Austria a impone lockdown pa tur habitantenan no vacuna pa Covid19

VIENNA – Austria a impone un lockdown riba esnan cu ainda no ta vacuna dialuna contra Coronavirus. Esnan cu no ta vacuna, ta practicamente paralisa awor pasobra nan movement ta limita. Otro paisnan Europeo tambe ta tumando pasonan den nan respectivo forma. Hulanda, manera cu nos a anuncia, a bay den un semi lockdown for di diasabra ultimo. Ta mustra cu Europa a bira e EpiCentro di e pandemia, poniendo algun pais reintroduce restriccionan prome cu Pasco, y creando debatenan pa si vacuna ta suficiente pa controla Covid19. Ta conoci cu e virus ta plama mas facil durante invierno.