Stichting Parkietenbos ta urgi gobierno pa bin cu plan pa para kimamento na Dump

ORANJESTAD - Stichting Parkietenbos a traduci un comunicado original di World Health Organization (WHO) riba e tema di criteria pa cu calidad di aire, cu e meta pa urgi gobierno di Aruba pa bin cu plan ‘a corto termino’ pa para kimamento di dump, den e barionan. Segun e fundacion, mester implementa un plan cu ta mitiga e situacion a termino corto, mientras ta traha riba e plan pa termino largo. E fundacion di e bario ta urgi gobierno pa no sigui basha sushi y concret riba e sero pa e no sigui crece, mester separa e palette y tirenan pa nan wordo procesa y manda desperdicio berde pa machica y yena buraconan grandi cu tin na cantidad rond Aruba y tapanan. Ya ta pa algo mas cu un siman cu e habitantenan di e barionan a ripara cu e molester di huma y holo malo a bira menos. “ Nos ta spera cu esaki bira permanente, asina e derecho di hala rosea di aire limpi di e habitantenan ta wordo respeta y salvaguardia” e fundacion ta sigui bisa. Por lesa e comunicado completo AKI.