Premier Wever ta confirma cu casa di parlamentario a agredi su yiu homber den restaurant

ORANJESTAD – Awe mainta premier Evelyn Wever a confirma cu casa di parlamentario Gerlien Croes (AVP) sr Williams a agredi su yiu homber Kevin di trinshon den fin di siman. E mandatario a confirma e noticia presenta pa e portal 24ora.com dialuna mainta durante un conferencia di prensa. Segun sra Wever, e casa a agredi e yiu homber dos biaha y despues tire cu glass durante un cena na un restaurant local diadomingo anochi. E pareha yiu di premier Wever, segun e prome mandatario, lo tabata celebrando cumpleaños di e e dama pareha. Segun sra Wever, e yiu homber a entrega keho contra e rumanan Williams. E problema tabata no solamente cu e casa di e parlamentario, y ambos homber ta yiu di conocido comerciante Micheal Williams cu a participa den e ultimo eleccion Parlamentario cu su propio Partido. E no a logra haya suficiente voto pa drenta Parlamento. No a logra haya e version di e contra partido y rapport di polis riba e suceso ainda.