Soul Beach Music Festival no ta tuma lugar na Nikki Beach e aña aki

ORANJESTAD – E proximo Soul Beach Music Festival no ta tuma lugar na Nikki Beach e aña aki. E sitio nobo no a keda scohi tampoco pero tin indicacion cu den e proximo 2 simannan esaki lo keda anuncia. Un bishita awe mainta na e sitio unda cu e festival normalmente tabata tuma lugar (mira e foto) ta indica cu tin construccion tumando lugar y cu unda cu normalmente ta ubica miles di hende, awe tin un infrastructura cu ta stroba e festival di por ubica su mes eynan. Ayera NoticiaCla.com a informa riba e desaroyo aki, specificamente cu ainda no tin un sitio fiho pa tene e festival aki. E localidad ‘regular’ e aña aki ta ‘bou di construccion’ como parti di un ‘remodelacion’ di e beach pa e por fit como coneccion di e fase 1 y 2 di linear park. Minister di turismo Otmar Oduber a mustra awe mainta cu e posibilidad ta keda cu e sitio lo por ‘eventualmente’ wordo uza, pero cu cierto limitacion. Pero NoticiaCla.com a compronde despues cu esey no ta probable, mirando e embergadura di e construccion. Pero Oduber a sigura cu den futuro, e sitio ora cu e ta cla, lo por wordo uza pa cierto actividadnan similar.

 OTRO FESTIVALNAN

E bentaha segun Oduber ta, cu tin hopi beach na Aruba unda cu por acomoda e festival y otro festivalnan cu mester di un beach. E localidad cu ta wordo menciona como alternativa, ta e.o. WAF (unda cu a tuma lugar e concierto di Marc Anthony durante e Film Festival, y Eagle Beach. Pero ningun di dos no ta confirma segun Oduber. E meta a largo plazo ta hopi mas importante cu djis un actividad cu ta wordo teni un biaha pa aña. Awe por cierto e organisadonan a informa cu cosnan ta moviendo bon pa cu e festival, pero no a duna nomber di e localidad nobo. Otro informacion di e festival ya caba NoticiaCla.com a publica caba ayera.

SCOUTING 

E team di Soul Beach Music Festival ta bezig ta ‘sondea’ un lugar nobo pa tene e festival e aña aki. NoticiaCla.com a compronde cu e aña aki nan no tin un lugar fiho ainda pa tene e festival, debi cu e lugar ‘acostumbra’ no ta disponibel mas. E lugar tabata e beach pariba di ‘Nikki Beach’, tambe conoci como Surfside. Akinan ta trahando un desaroyo nobo pa conecta dos fase di Linear Park. 

LUGARNAN PA TENE E FESTIVAL 

Cu excepcion di un of dos biaha, semper e festival a wordo teni riba beach, cu ta duna honor na e nomber “Beach” den e titulo di e festival. Ta custumber cu e festival ta wordo teni riba e beach na Surfside. Pero awor pues cu esaki no por mas, e organisadonan ta buscando un otro sitio. Y te cu siman pasa ainda, a compronde cu no a haya un sitio unda cu e festival awor tin cu tuma lugar. 

FECHA DI E FESTIVAL

E festival ta programa pa tuma lugar entre 20 pa 25 di mei proximo, cu ta e “Memorial Day weekend’ pa cual mericanonan ta biaha bin Aruba. E unico dos artistanan cu ya caba ta propaganda, ta e conocido Trey Songz y Charlie Wilson. Por lo menos segun e website di e evento. Ta un custumber, cu contrario na otro concierto (manera CNSJ), e artistanan ta keda conoci mas laat. Esey no ta kita afo cu e festival ta uno bon bis