Representante di DUO leningen ta den Noticiacla LIVE awe nochi

ORANJESTAD – Awe nochi e representante di DUO leningen, esta prestamo special Hulandes pa studiantenan, sra Monique Hoogerwerk ta invitado den Noticiacla LIVE. Segun sra Hoogerwerk, tin por lo menos 400 studiante Arubiano cu tur aña ta pidi y haya prestamo di DUO pa bay studia Hulanda, y tin como 4000 ex studiante cu a bay cu prestamo di DUO y cu tin cu paga esaki bek awor. Y tambe cu tin un grupo grandi cu tin retraso di pago lamentablemente. E ta splica e posibilidad con pa haya un prestamo, con pa evita problema di pago, y e facilidad di tin un oficina awor na Aruba di DOU. E programa ta interesante sigur pa ex studiantenan cu ta den e situacion aki, y tambe studiantenan cu ta pendiente pa bay studia Hulanda otro aña. E programa ta modera pa periodista Tito Laclé, y lo pasa awe nochi 9’or. No perde e programa aki!