Bapor crucero nobo nobo Enchanted Princess ta bishita Aruba tambe!

MIAMI – E bapor crucero mas nobo di e liña crucero Princess Cruises tambe ta bishita Aruba den su prome salida y lo yega Aruba dia 17 di november. E bapor yama ‘Enchanted Princess’ a sali diaranson anochi pa su biahe crucero inaugural den Caribe di 10 anochi. No obstante cu esaki ta e prome salida, e lo no wordo batiza te dia 13 di December proximo. E itinerario di Sur Caribe lo bishita Princess Cays,   St. Thomas, Dominica, Curaçao, y Aruba. Ta trata di un bapor crucero cu ta carga 3600 pasahero y ta parti di e Clase Royal y ta un evolucion di e Plataforma cu tabata usa riba e bapornan ruman manera Royal, Regal, Majestic, y Sky Princess. Un di seis bapor di clase royal, Discovery Princess, ta programa pa debuta comienso di otro aña.