Oduber: Imposibel pa reduci airport tax pa paisnan den Reino awor

ORANJESTAD – Gobierno no ta bay cambia y reduci airport tax aworaki mas. Asina e mandatario di turismo Otmar Oduber a reacciona awe riba e noticia cu Insel Air a pidi awe pa gobiernonan purba reduci esaki riba nivel interinsular. Segun e mandatario, den pasado a haci e intento pa e reduccion pero e no a haya oido na Corsou. Awe esey no ta vigente mas. Motibo ta e necesidad pa genera fondo pa cumpli cu debe di e aeropuerto cu recientemente a sera un acuerdo pa refinanciamento. Como tal ta dificil pa duna oido na e peticion aworaki. Mes momento Oduber a confirma cu e no a haya ningun peticion oficial di parti di Insel Air pa e reduccion aki.

COMPETITIVO

Oduber ta sinti cu aerolineanan mester ta competitivo. E ta mustra cu tin hopi forma pa haci esaki y competencia lo determina ken ta duna e miho prijs. Pero aworaki ta boga pa servicio entre e islanan. A comunica esaki na tur e aerolineanan cu no ta reduci e tarifa, ya cu tin cu haci inversionnan grandi na aeropuerto. “Nos no ta bay pone e aeropuerto na risico (pa baha pa categoria 2) pa ningun hende, manera si ta e caso na Corsou y St Maarten, cu pa tres aña ta categoria 2 y no por sali for di esaki.

INSEL AIR

Den un comunicado awe den noticia na e isla di Saba, e compania ta comunica nan precupacion cu aeroliñanan y pasahero ta wordo cobra di un forma desproporcional, causando cu tarifa di pasashi ta aumenta y e cantidad di biahero ta reduci. Como tal e ta pidi pa reduccion di e tarifa pa loke ta biahe interinsular, esta entre Aruba, Corsou y Bonaire y Isla Riba. Lesa e comunicado aki. Foto cortesia CuracaoChronicle.com