ORANJESTAD – E actividad poni como ‘test’ pa actividad Carnavalesco pa dia 13 di November, ta keda posponi. Asina e presidente di fundacion cu ta encarga cu carnaval, SMAC Jason Brown a confirma pa noticiacla diamars mainta. Segun Brown, dia 11 di November awor (diahuebs awor:red) nan lo anuncia e fecha nobo pa e actividad aki. Segun miembro di Crisis Team y hefe di Bureau di Calamidad Rino Hermans na e portal aki, SMAC no a keda cla pa organisa e evento pa e fecha menciona.
EVENTO
Tabata algun siman pasa cu gobierno a anuncia cu lo tin un evento prueba pa wak si ta cla pa tene eventonan musical sin problema debi na e pandemia. Tabata trata di un fiesta estilo ballroom pa 250 pareha, cu musica live. E intencion tabata cu esaki mester a ‘reemplasa’ e ‘apertura’ tradicional di carnaval cu ta tur aña riba 11 di November di e aña anterior. E test aki lo mester a mustra oficialnan di Crisis Team si nos ta cla pa tene eventonan publico 1 aña y mes despues cu Covid19 a dal Aruba na 2020.
SILENCIO
Sinembargo despues a surgi un silencio hermetico di tur instancia pa cu e evento. Segun tempo tabata core, e portal aki tabata puntra e organisadornan con tabata para cu e evento. Esaki sinembargo no tabata haya oido of no tabata tende nada concreto. E contesta constantemente tabata ‘nos ta den reunion’, ‘nos ta laga sa’, pero no tabata bisa nada. Si no ta pa prensa, y den e caso ak, e portal aki, no tabata sa kico lo a pasa.
ORANJESTAD – Mas cu mitar di studiantenan local (Aruba) cu a studia usando e prestamo escolar ‘Dienst Uitvoering Onderwijs voor studenten en scholieren’, conoci como DUO, tin problema pa paga esaki bek , ta paga menos cu nan mester paga, of mas pio, no ta paga nada bek mes. E grupo aki ta sigui ta un problema segun representante di DUO, Marit Verbogt manera cu e la splica diahuebs den e programa Noticiacla LIVE. Si tin mas of menos 4000 ex studiante cu tin cu paga bek, y ta algo di mas di mitar tin e problema, por deduci cu e cantidad aki ta mas cu 2 mil studiante local. Verbogt ta splica kico e situacion ta, den e video adhunto. E siman aki e representantenan ta na Aruba te cu otro siman diabierna pa atende cu e grupo aki y tambe studiantenan cu kier un beca via DUO. Nan por acudi na e centro John F Kennedy durante oranan specifico cu ta ubica riba e pagina di FB di nan y tambe e portal di DUO.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.