Simar sorprendi cu gobierno kier corta 11 miyon mas den enseñansa

ORANJESTAD – Sindicato di maestro Simar ta preocupa cu gobierno kier corta 11 miyon mas den enseñansa. Esaki ta riba e 25 miyon cu mester a corta caba. Den un carta dirigi pa e prome mandatario y cu e sindicato a manda tambe pa e portal aki, e sindicato ta presenta un lista di 10 punto di preocupacion, pero cu esaki no ta tur, y cu tin mas punto. E sindicato a pidi un reunion urgente cu e mandatario, pa haya aclariacion riba e tema. Tabata un dia anterior cu minister actual di enseñansa Endy Croes tambe a haci mencion di e recorte aki. 

PUNTONAN

Entre e puntonan, ta menciona cu e overtime no ta wordo paga ni compensa. Tambe e asina ‘taakuren’ ta caduda. Tin tambe e hecho cu tin scarsedad di personal di limpiesa escolar, e docentenan di pasantia no ta haya compensacion pa uso di auto pa e kilometernan cori y asina tin mas. Manera indica, tin por lo menos 10 punto den e carta, pero a bisa cu tin mas cu no a haci mencion di dje ainda. Pa e carta completo, click AKI.