Participa pa un bon causa den e di 4 edicion di “Diabetes Walk & Run 2021”

ORANJESTAD – E dia ta yegando mas y mas serca! Nos ta 80% sold out! No preocupa e caminata lo bay door; si gobierno impone regulacion di Covid, lo nos parti e careda den un manera cu tur hende por core segun e reglanan. No perde e oportunidad aki pa participa den e di 4 edicion di “Diabetes Walk & Run” ta cla pa bo inscripcion. E evento ta organiza pa trece conocimento di World Diabetes Day y Diabetes como un malesa. Na Aruba, ongeveer 16.2% di nos populacion tin Diabetes, cual ta dos biaha e cantidad di e average mundial (8.3%). E fondosnan recauda lo wordo dona na Fundacion Diabetes Aruba, pa asina por sigi combati e malesa. 

E evento lo ta parti den 7 categoria, cu premionan pa cada categoria. E Walk & Run lo wordo documenta cu un BIB-chip pa asina forma parti di e evento #6 di e Patrishi National Adult Ranking y evento #8 di e Youth & Kids Ranking. Ora di busca BIB na Patrishi Sports, tur participante lo ricibi un Dry-Fit shirt conmemorativo di e walk & run y un goodie bag, y e ultimo día pa inscribí y pasa busca esakinan ta diabierna 12 di november. Día di careda tur participante lo ricibi un finishers medal, y tambe Fruta y cos di bebe. 

E evento lo tuma lugar na Botica di Servicio Eagle cuminsando di 5:30 AM riba Diadomingo, 14 di November. E adres ta Caya Punto Brabo 17 bandi SVB Eagle. 

7 categorianan di e evento:

-        200 meters kids run (4-5 years old)

-        400 meters kids run (6-7 years old)

-        800 meters kids run (8-9 years old)

-        1500 meters kids run (10-11 & 12-13 years old)

-        3000 meters youth run (14-16 years old)

-        5 km run & walk (17 years & older)

-        10 km run (17 years & older)

Suma di inscripcion:

-        Kids Run: AWG 15,-

-        5 & 10 KM: AWG 25,-

Bo por pasa pick up bo BIB-nummer, shirt y goodie bag na Patrishi store localisa na Emmastraat 3, Oranjestad, y ta habri di Diamars pa Diasabra entre 10AM – 6PM

Riba dia 14 di November di evento no por pick up bo BIB of paga. Inscripcion por wordo haci online riba www.diabetesrunaruba.com. Nos ta wak bo riba dia di careda!