Awe e grupo Sueco ABBA a lansa nan disco compacto mas nobo despues di 40 aña

STOCKHOLM – Fanaticonan di e grupo Sueco ABBA porfin por a goza di un disco compacto nobo despues di 40 aña. E produccion mas nobo di ABBA titula Voyage, a keda lansa diabierna mundialmente manera programa algun siman atras. Un total di 37 minuut di cancionan nobo. No tur ta un fanatico, ya cu algun medio Britanico a describi e produccion como uno cu no ta cumpli cu e expectativa di pasado. Otronan ta contento djis pa e hecho cu tin algo nobo di e grupo aki cu a pone e integrantenan Annifrid, Benny, Björn y Agnetha bin bek hunto pa traha algo asina.