Pfizer ta sigura cu su pilder contra Covid19 por preveni hospitalisacion

NEW YORK – E fabricante Pfizer a bisa diabierna cu pruebanan clinic di su pilder experimental contra Covid19 tabata asina exitoso den preveni hende pa keda hospitalisa of muri di e virus, cu nan a para tur estudio mas tempran den e speransa cu por usa esaki mas prome na beneficio di e pueblo general. E pilder antiviral cu ta combina cu un dosis leve di un remedi contra HIV ritonavir, por reduci hospitalisacion of morto di Covid19 cu 89% entre pashentnan di riesgo halto, Pfizer a bisa. 

“E data ta sugeri cu nos pilder, si aproba pa autoridadnan regulatorio, tin e potencial pa salba bida di pashent, reduci e severidad di infeccion di Covid19, y para 9 di 10 caso di hospitalisacion”.