Ter Steege: Niun minister por bisa un PG cua caso e tin cu persigui

Ter Steege: Niun minister por bisa un PG cua caso e tin cu persigui

Posted on 11/5/2021 10:08 am AST | Updated on 11/5/2021 10:08 am AST

ORANJESTAD – ‘No tin un minister, ni na Aruba of Hulanda cu por prohibi un Procurador General (di haci un caso) y bis’e ki tarea e tin pe’. Palabranan fuerte di e Procurador General di Aruba mr Bote ter Steege e siman aki den e programa Noticiacla LIVE. Mas prome den aña el a bisa tambe cu e dia cu nan tin cu bise kico pa haci, ta e dia tambe cu e ta tuma su retiro. “Den nos leynan, ta hopi cla scirbi cu Ministerio Publico riba e decisionan cu nan tuma riba tereno di dossier di casonan penal, nan ta completamente independiente”. E unico control cu tin eynan, ta door di Corte of Hof. “Esey ta e independencia di Ministerio Publico” mr ter Steege a sigui bisa. Esaki basa riba possible pensamento cu por tin metemento politico den e aparato hudicial aki. 

ORGANO ESTATAL INDEPENDIENTE

Di otro banda, e ta splica cu OM no ta un organismo estatal independiente, pasobra tin minister di husticia cu ta politicamente responsabel pa Ministerio Publico, y Parlamento finalmente ta e organo di mas halto na mando. “Pero, nan no por mete cu un decision riba contenido na Ministerio Publico”, e PG a sigura den e pograma. 

LIÑA FINI CORA

E ta admiti cu tin un liña hopi fini cu ta separa politica di husticia y pesey e ta haya ta bon cu tipo di puntonan asina ta keda bin dilanti pa por papia ariba y splica esaki bon. “Pasobra hopi hende dado momento no ta kere bo mas” ter Steege ta bisa. Y e ta sigui elabora riba dje. E ta usa e medio social como un ehempel. Ora cu durante un conferencia di prensa den pasado el a haci cierto declaracionan, e por a tuma nota di comentarionan riba Facebook, comparando e cu p.e. Pinocchio, cu e nanishi ta crece, implicando cu e lo ta gaña. E ta conciente cu bo tin hendenan asina semper tambe. Pero tin hende tambe cu ta bisa cu por bien ta cu e PG ta haci cierto declaracionan, pero e situacion en realidad no ta asina. “Y e ora mi ta puntra mi mes, cuanto biaha mi tin conta e situacion aki e ora” e PG ta sigui bisa. E ta compronde pakico tin hende no ta kere loke e por ta bisando, pero mes momento e ta bisa tambe cu no tin prueba pa demonstra e ponencia di duda di e hendenan aki. E la referi na un rapport di WOCD di 2012, unda cu aki a keda estableci cu riba e toma di decision di ki caso ta wordo persigui y cua no, no tin influencia politico. 

  • Landsrecherche a detene trahado di Ministerio Publico

    Landsrecherche a detene trahado di Ministerio Publico

    ORANJESTAD - Landsrecherche a detene awe 2 di december 2021 un trahador di Ministerio Publico. Asina vocero di e oficina, Ann Angela a confirma diahuebs atardi. E persona aki ta wordo sospecha di falsificacion y/of verduistering. Landsrecherche ta hibando e investigacion penal riba ordo di Procurador-General. Na interes di e investigacion lo no duna mas informacion na e momento aki.

  • Corte: Ex minister mester paga 183 mil florin bek of bay prizon

    Corte: Ex minister mester paga 183 mil florin bek of bay prizon

    ORANJESTAD – Ex minister Paul Croes mester paga pais Aruba 183.489,10 mil florin bek of sinta castigo di prizon di 1 aña. Asina Corte a dicta den sentencia den caso di expropiacion relaciona cu e caso penal Ibis. Abogado di e ex mandatario Demis Illes a confirma esaki pa noticiacla awe mainta. E exigencia di Ministerio Publico tabata pa e ex mandatario paga e suma di 207 mil florin bek, pero Corte a rechasa e parti aki. E ex mandatario tin 2 siman pa dicidi si e ta apela e sentencia aki. Mientrastanto ta conoci cu e ex minister a apela e sentencia di corte di apelacion unda cu e mester sinta 3 aña den prison. 

  • Arubiano nombra como Presidente di Corte Comun di Husticia

    Arubiano nombra como Presidente di Corte Comun di Husticia

    DEN HAAG/ORANJESTAD/WILLEMSTAD – Consenho di Minister di Reino a aproba nombracion di mr Maurits de Kort pa bira Presidnete di Corte Comun di Husticia, basa na Corsou. Sr de Kort ta Arubiano, y ta huez desde 2011 y vice presidente di Corte Comun desde 2017. E ta reemplasa actual presidente Eunice Saleh cu ta retira entrante 1 di januari 2022. Ora cu e nomber a keda proponi recientemente, Noticiacla tabata un di e promenan cu a anuncia esaki. Pabien na sr de Kort. 

  • Ex parlamentario Alan Howell a recobra su libertad awe atrobe

     Ex parlamentario Alan Howell a recobra su libertad awe atrobe

    ORANJESTAD – Despues di tabata encarcela pa 5 dia como sospechoso di e caso Diamante, ex parlamentario Alan Howell a recobra su libertad atrobe dialuna. Asina vocero di Ministerio Publico a confirma dialuna pa noticiacla. Sr Howell a keda deteni diaranson siman pasa den oranan di mainta despues cu e la presenta na oficina di Lands Recherche riba nan peticion. Despues di 5 dia di interogacion, a dicidi cu e por recobra su libertad, pero ta keda un sospechoso. 

  • OM: CEA a cuminza bishita cas pa cobra boet atrasa

    OM: CEA a cuminza bishita cas pa cobra boet atrasa

    ORANJESTAD – Cuerpo Especial Arubano (CEA)  a cuminza diahuebs mainta cu bishita hende na cas pa cobra boetnan habri. Asina vocero di Ministerio Publico Ann Angela ta raporta. E intencion di e bishita mainta tempran aki segun ta pa busca personana cu debe di boet y hiba nan KIA pa nan sinta nan detencion. Ayera, segun e comunicado, CEA no mester a hiba ningun hende KIA, passerby e personanan a paga e boetnan

  • PG kier lidera proyecto pa establece clinica di TBS pa Aruba

    PG kier lidera proyecto pa establece clinica di TBS pa Aruba

    ORANJESTAD – Si ta pa e Procurador general nobo di Aruba, nos isla lo carga e proyecto pa establece un centro Terbeschikkingstelling osea TBS, cu eventualmente por wordo usa pa islanan di Caribe Hulandes tambe. Por lo menos, si ta pa e Procurador General di Aruba nobo mr. Bote ter Stege cu a bisa esaki recientemente den e programa Noticiacla LIVE. E la yega na acuerdo cu otro PG di e islanan pa haci esaki. Y mes momento e ta compronde cu Hulanda tambe a compronde cu e ta algo necesario pa nos akibandanan. 

  • Powered by SETAR