Famia di Ozzie Albies na Corsou a celebra su victoria ayera nochi

Posted on 11/3/2021 11:19 am AST | Updated on 11/3/2021 11:21 am AST

WILLEMSTAD.- Famia di e pelotero professional di Corsou, Ozzie Albies a celebra su victoria ayera nochi na su cas, mientras cu Albies mes tabata den gloria cu su ekipo Atlanta Braves cu a titula Campeon di e Serie Mundial diamars anochi. Manera ta conoci Atlanta a titula campeon mundial diaranson anochi derotando e contrincante, Houston Astros cu e score di 7-0. Durante e transmission, e ekipo di Extra na Corsou a bishita e cas di Albies y por a nota e celebracion cu tabatin eynan. 

PARTICIPACION NIFICATIVO

Albies tabatin un partisipashon di hopi nifikashon den e viktoria di ayera. El a konektá 2 hit i a skor dos dje karedanan di Braves. E prome tabata den di tres inning riba homerun di Soler, siguí den di sinku ku otro kareda ora ku Swanson tambe a saka e bala for di tereno di wega. Braves tabatin un di tres homerun, konektá pa Freeman.

Miéntras ku Braves a skor 3x den di tres inning, 3 mas den di sinku i 1 den di seis, e ofensiva di Astros si a keda silensiá pa e picheo di Braves ku no a tuma kareda i a permití solamente 6 hit. Tres picher di Braves a hasi e trabou, di kua e ganadó a resultá Fried kende a lansa 6 inning di 4 hit ku 6 strike-out. E relevistanan Matzek (2in) i Smith (1in.) tambe a lusi fuerte pa dominá Astros ku te djaluna ultimo ainda a rebeldiá kontra di nan.

Pa Ozhaino Albies esaki sin duda ta koronashon di un temporada eksplosivo, durante kua el a logra su sifranan mas haltu te ainda di 106 RBI, 30 homerun i 20 robo. Tambe el a skor 105 kareda, ku tambe ta un kantidat respetá. NOTA: Parti di e texto ta scirbi na Papiamento fonetico di Corsou. 

  • Pelotero Ozzie Albies a bolbe su isla Corsou diadomingo

    Pelotero Ozzie Albies a bolbe su isla Corsou diadomingo

    WILLEMSTAD – Pelotero professional, hungado di Atlanta Bravez ‘Ozzie’ Albies a bolbe su isla natal Corsou diadomingo atardi despues di a gana Serie Mundial di Baseball Grandes Ligas algun siman prome. Esaki tabata momento suficiente pa organisa un yegada cu tapijt cora y ricibimento grandi di e pueblo, primordialmente peloteronan infantile y hubenil cu a bin wak nan heroe. Naturalmente tabata presente e prome minister di Corsou Gilmar Pik Pisas y algun miembro di su gabinete. Potretnan cortesia Tele Curacao. 

  • Corte: Ex doñonan (Ansari) mester paga Ennia un biyon florin bek

    Corte: Ex doñonan (Ansari) mester paga Ennia un biyon florin bek

    WILLEMSTAD – Corte a dicta awe na Corsou den e caso contra ex doñonan di Ennia, incluyendo sr Hushang Ansari (94) y otro ex miembronan di directiva , cu a pone cu nan mester paga mas di 1 biyon florin bek na e compania. Segun Corte, a estableci cu despues cu Ansari y socionan a tuma Ennia over na 2006, cu nan a cambia e maneho y transaccion y gasto, cu tabata hopi malo pa Ennia. Corte a tene nan como responsabel principal pa tur e daño financiero causa. Corte a tene cuenta aki cu Ennia ta un compania di seguro y cu mester sigura y proteha esnan cu tin seguro cu e compania y pa tambe sigura cu e compania por continua cu su obligacion di pago na su clientenan. Lesa e sentencia completo AKI.  

  • Princesa Beatrix ta cuminsa bishita ocupa na Corsou awe

    Princesa Beatrix ta cuminsa bishita ocupa na Corsou awe

    WILLEMSTAD – Pa prome biaha den 6 aña Princesa Beatrix (83) ta bishita Corsou atrobe cuminsando awe tardi. E tin un agenda hopi ocupa den e 3 dianan cu e ta bishita e isla.Su bishita ta den cuadro di mantencion di naturalesa y e efectonan di e pandemia. E ta sigui un les di naturalesa cu studiantenan, wak  flamingo recupera, y haya splicacion riba coral. Tambe e lo papia cu profesionalnan cu ta cuida adultonan mayor, y ta bishita un bario cu tabatine pisa door di corona. Y finalmente e lo bishita e fundacion Aliansa cu ta bringa contra violencia domestic.  

  • Warda Costa a intercepta boto cu 33 indocumentado

    Warda Costa a intercepta boto cu 33 indocumentado

    WILLEMSTAD – Dialuna anochi Warda Costa a intercepta un boto sospechoso den awa territorial di Corsou. Ta trata di un boto cu 33 indocumenta, di cual 11 ta hende muher y 22 homber. A trece nan tera na Corsou, pa sigui procesa nan. A haya algun bestia exotico tambe cu tambe a wordo confisca.  

  • Princesa Beatrix ta bishita Corsou otro siman pa un fin di siman

    Princesa Beatrix ta bishita Corsou otro siman pa un fin di siman

    WILLEMSTAD – Princesa Beatrix ta bishita Corsou otro siman diahuebs te diadomingo 28 di November proximo. E bishita ta den cuadro di e cooperacion di 25 aña entre organisacionan di naturalesa dentro Dutch Caribbean Nature Alliance, e actividadnan di e organisacionan social y e impacto di e pandemia riba e isla. E anfitrion pa e bishita aki lo ta Gobernador e isla sra Lucille George-Wout.    

  • Corsou a despidi di su Tata di Tumba Anselmus ‘Boy’ Dap awe!

    Corsou a despidi di su Tata di Tumba Anselmus ‘Boy’ Dap awe!

    WILLEMSTAD – Corsou a despidi na gran forma di su Tata di Tumba Anselmus ‘Boy’ Dap diadomingo. Noticiacla tabata presente y a cubri parti di esaki. Despues di un pasada na varios lugar, e corteho funebre a instala na WTC pa algun ora unda cu e pueblo por a despidi di dje, y unda tabatin varios discurso di personanan di peso den mundo di musica, y tambe prome minister Gilmar Pisas. Despues, e corteho a mobilisa pa residencia di Boy Dap, unda a pone e caha riba un trailer, y a sigui un parade riba e ruta di Carnaval na Corsou pa termina na BrionPlein. E parade tabata acompaña pa algun otro ex rey nan di tumba. Un bunita despliege di cariño pa e emperador musical, manera hopi a yame. NOTA: Potretnan di e parade tabata di Noticiacla, mientras cu e potretnan di WTC ta cortesia di Ingmar Kock/NoticiasING

  • Powered by SETAR