Otro aña na mei, rotonde pa Palm Beach ta un hecho!

ORANJESTAD – Otro aña na mei, esta 2022, e rotonde tan solicita na e cruzada di Palm Beach lo ta un hecho. Asina a compronde di personanan di DOW recientemente durante un reunion di Parlamento. TA premira cu pa fin di aña e trabou di desahonan lo ta cla y pa comienso di aña lo cuminsa traha riba nan y pa mei e ora e rotonde aki lo ta completa. Esaki ta cuadra cu e informacion cu DOW mes a dun ana October (luna pasa) ora cu nan a anuncia cu lo tin ‘verkeersplateau’ prome, y cu otro aña (no a bisa ki tempo otro aña), lo tin e rotonde. Esaki awor pues ta conoci. 

ACCIDENTE

E situacion na e cruzada aki actualmente ta di tal forma cu constantemente, pa no bisa semanalmente, tin accidente di trafico ta tuma lugar. Hopi biaha ta sosode cu ta autonan cu ta envolve turista, y otro biaha ta localnan mes sea no ta compronde e situacion di e cruzada, of no ta pone atencion riba e velocidad y ta causa e accidente. Te ainda, no tabatin accidente fatal eynan, y ta spera cu esaki no bira un realidad tampoco. E ta un cruzada hopi fastioso, y peligroso, y unda cu gritonan pa un rotonde, ya tabata un grito di desesperacion casi.