Hulanda ta reintroduci medida bieu y nobo contra Covid19

DEN HAAG – Cu un mix di medida nobo y bieu, gabinete demisionario Rutte III kier combati e aumento di contagio di coronavirus na Hulanda. Asina prome minister Rutte a anuncia diamars merdia. E medidanan ta drenta na vigor entrante diasabra awor.  

E MEDIDANAN

E medidanan anuncia ta esunan basico manera no duna man, keda cas ora tin keho, y distancia social di un meter y mei, y prohibicion di biahe domestico. Tambe ta bin bek cu e tapaboca na tur lugar publico manera tienda, stacion di trein, hospital y oficina di gobierno.