HOH: Ayudo di Hulanda cu enfermero no tabata suficiente durante di 4 ola di Covid19

ORANJESTAD – No obstante e ayudo di Hulanda pa cu e specialistanan y personal pa ICU extra, esaki no a resulta suficiente pa e di 4 ola di Covid19 na Aruba. Asina e rapport ultimo di Hospital Horacio Oduber ta bisa. Esey tabata e motibo cu mester a manda 39 pashent incubi pa Colombia pa alivia e situaicon. Di e pashentan ey, 10 a bolbe Aruba recupera y 13 a fayece. Un grupo basta grandi a fayece y e resto ta na Colombia ainda.

MORTO

Di tur e pashentnan cu a keda interna, 56 pashent a fayece,       di cual 29 ta muher y 27 homber. E edad di mas fayecimento, tabata entre 60-79 aña. Un cantidad di 80% di esnan cu a fayece tabatin mas cu 60 aña. Di e 56 pashentnan cu a muri, 13 tabata na Colombia y e resto (43) na Aruba.