HOH: Mayoria di pashent di Covid19 den di 4 ola, tabata sufri di sobrepeso

ORANJESTAD – Casi 80% di pashentnan di Covid19 durante e di cuater ola (juli te October 2022) tabata sufri di sobrepeso. Mas di 85% di pashent di Covid19 den e periodo aki tabatin un of mas comorbidad, osea un enfermedadd secundario cu tabata fortifica pa e pandemia. Entre nan, obesitas, hipertenso y diabetico. Asina un rapport cu Hospital Horacio Oduber a publica awe riba e tema aki. E ta un rapport cu a wordo traha riba orden di directiva di hospital y ta bay basta extenso riba e situacion di e pashentan cu a contrae e virus den e di 4 ola. 

MORTO

Cerca esnan cu a muri di Covid19 den e di 4 ola, apenas 5.4% no tabatin un malesa secundario. Den 66% di e pashentnan cu a fayece, tabatin te hasta 2 malesa secundario.   

SOBREPESO

A determina cu sobrepeso tabata e factor di risico mas grandi entre pashentnan cu a keda interna cu Covid19.