Pa esnan cu kier bay Merca, tin extra regla entrante 8 di november

ORANJESTAD - Pa tur esnan cu ta biaha of tin pensa pa biaha pa Merca, ta importante pa tuma nota riba e medida di mas nobo cu Merca a introduci: Entrante 8 di november bo por bay Merca solamente si bo ta vacuna. Asina prome minister Evelyn Wever a bisa dialuna durante su conferencia di prensa. “Esaki no ta un regla di Aruba, e ta un regla di Gobierno di Merca. E exigencia aki ta encera cu bo mester tin tur dos vaucuna y mester ta mas cu 14 dia cu bo a ricibi e di dos vacuna, pa bo por biaha pa Merca”. Tin algun excepcion pa muchanan cu no por vacuna y algun excepcion humanitario.