Diputado di isla di Bonaire a test positivo pa Covid19

KRALENDIJK – Diputado di Bonaire pa partido MPB, sra Nina den Heyer a test positivo pa Covid19. Den fin di siman, e votegetter di e ultimo eleccion di e isla a confirma cu e la keda contagia cu e virus, pero cu e ta ok. Dialuna, e la confirma pa noticiacla, cu aparte di un tosamento fastioso, e ta sinti ok. A gradici pa tur e atencion cu e la y ta hayando di tanto sostenedornan como tambe esnan cu no a sostene, pero cu si ta apoye awor. Den Heyer tabata un di e prome mandatarionan di e isla cu a ricibi su dos vacunanan.

VOTEGETTER

Tabata na 2019 durante e ultimo eleccion di Conseho Insular, cu sra Den Heyer a logra saca 1088 voto, cu a hacie votegetter di e isla. Notable ta cu e ta na # 2 y asina mes a saca mas voto cu e lider di partido, sr Elvis Tjin Asjoe cu a saca 629 voto e tempo ey. Noticiacla ta desea sra den Heyer pronto recuperacion.