Atrobe a detene 7 militar Hulandes na Corsou pa droga!

WILLEMSTAD – Un biaha mas a detene 7 militar Hulandes na Corsou riba sospecho di posesion di droga. Diamars caba a detene 7 otro military, segun un tweet di marechausee. E ta e resultado di e detencion di un dealer local di 33 aña despues di un investigacion conhunto entre polis y marechaussee. E homber ta sospecha di ta bende droga na ciudadanonan local pero tambe militar Hulandes, cu ta netamente riba e isla pa e.o. combati e traficacion di droga.  Ta prohibit pa militarnan tin droga den posecion of usa esaki. Esun gara, ta keda retira mesora.