J. Margarita sentencia na 30 luna di prison pa acto inmoral cu menor di edad

ORANJESTAD – Awe mainta huez a sentencia conocido personalidad J. Margarita na 30 luna di prison, di cual 6 condicional cu 2 aña di prueba, cu condicion cu e sigui guia di reclassering durante 2 aña. Huez a bisa cu e ta haya legalmente proba cu Margarita a haci actonan inmoral cu un mucha cu no tin 16 aña. A tene relacion sexual cu ne. Huez a bisa cu e ta kere e dama A. su declaracion. Jason a admiti cu tin un relacion cu A. y tabata sunchi. Huez a tene cuenta pa cu e castigo  cu J. durante algun luna a haci actonan inmoral cu e dama A di 15 aña. E no a haya proba cu J. activamente a abusa di e mucha. E la tene cuenta tambe cu ta prome biaha cu e ta cay cera y cu segun psicologo, J. no ta un pedofiel. Psicologo a recomenda pa J. haya guia di Reclassering. E sentencia a bay segun video conference den e caso cu Ministerio Publico a cuminnsa contra Margarita.