Retiro di minister ta desmenti pero si tin problema den su campo

ORANJESTAD – Minister di salud Alex Schwengle no a retira como minister, pero si tin problema den su campo di trabou. Specificamente su oficina. NoticiaCla.com a confirma cu e problema ta di tal forma cu e mandatario a rabia asina hopi cu e la dicidi di manda su staff completo cas te otro siman. Mientrastanto e mes ta biahando pa Panama pa atende un congreso medico. Segun mas informacion ricibi, a compronde cu e lo dicidi den e proximo dianan kico su siguiente paso lo ta. Pues mientrastanto noticianan cu e lo a retira, a keda desmenti. Informacionnan no confirma ta bisa cu ta trata di un ‘leak’ cu lo tin den su oficina.