Mocion tin cu traduci den ley di screening pa Parlamentario dentro di 6 luna

ORANJESTAD – Si tur cos ta bon, dentro di 6 luna, Parlamento lo tin un concepto di ley pa atende cu screening pa parlamentario. Algo cu fraccion di MEP y RAIZ a presenta e siman aki durante e tratamento di ley di screening pa minister. E parlamentario cu a inicia e mocion tabata di MEP, Shailiny Tromp Lee. E ta mustra cu e mocion aki ta duna oido na e critica di Raad Van Advies riba e ley di screening, unda cu tabata kier pa tin screening pa tur politico, no solamente Minister sino tambe Parlamentario. Ademas kier bin cu codigo di conducta pa e PArlamentarionan. E mocion cu a keda acepta ta pone cu si cumpli, den e periodo menciona, lo tin un ley di screening tambe pa PArlamentario. Un di e intencionnan di partido MEP, ta pa asina purba ‘core’ cu e parlamentario actual di AVP Benny Sevinger, cu ta un sospechoso di un caso penal, pero por sigui traha debi cu no tin ningun ley cu ta stroba esaki.