- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
- AZV: Contracto cu dentista Mayra Rosales ta termina
Total di 15 sindicato kier tende di gobierno riba reduccion di salario di 12.5%
ORANJESTAD – Un total di por lo menos 15 sindicato di Aruba a manda un carta pa prome minister Evelyn Wever, cu nan kier un reunion urgente cu e mandatario pa papia riba e medidanan di Covid19, particularmente e parti cu ta toca e reduccion di salario cu 12.5%. E mandatario lo a priminti pa sinta cu nan asina cu forma gobierno, pero esaki no a tuma lugar ainda. Riba pregunta di e portal aki, e vocero di e grupo, Edward Maduro a bisa cu mas tarda nan lo kier un reunion cu gobierno, dentro di dos siman. Mas no.
REACCION
E mandatario a reacciona mesora, bisando cu tin mas organisacion cu a pidi reunion. A bisa nan cu e sindicatonan kier yama e Crisis Team acerca pa atende cu e sindicatonan riba e tema. Pa loke ta retenshon di e salario, ta straña e sindicato cu e tema ey tambe lo mester bay den Crisis Team y Crisis Beraad. Segun Maduro, nan ta sorprendi pues cu e parti aki. MEHORACIONSr Maduro ta mustra cu señalnan ta mustra cu cos ta drechando na Aruba pa loke ta economia, cu sigur ta algo sumamente positivo. Esey tambe ta indicacion cu cosnan meter cambia. A mustra cu ta dispuesto pa cambia e situacion di 12.5% y bin cu un otro tipo di solucion. No ta bay cu un cuchiu na garganta, pero kier yega na algo, cu no ta e reduccion ey. Por kibra cabez hunto pa yega na un solucion mutuo. Aki sr Maduro a bisa cu gobierno a informa cu nan ta ‘bezig’ cu algun rekensommetjes pa wak kico por haci.
UNION ATROBE
E sindicalista ta contento cu ta mustra cu tin no menos cu 15 sindicato, cu un biaha mas ta uni y asina ta bira mas fuerte pa bringa cualkier tema sindical. Hasta e gremio OPPA ta parti di e grupo aki, ta forma parti di e grupo aki, mirando e tema cu ta di importancia.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Pastoral Hubenil Aruba cu Caminda di Luz Hubenil na misa di Dakota
ORANJESTAD - Tur luna, Pastoral Hubenil Aruba (PHA) ta organisa un evento pa su miembronan y hubentud en general. Pa luna di april, e actividad ta diabierna 26 di april proximo y PHA lo tene un Caminda di Luz Hubenil den misa di Birgen di Fatima na Dakota. Durante e Caminda di Luz of Via Lucis, nos ta recorda e aparicion y momentonan cu a pasa despues di resureccion di Hesus.
Exposicion ‘The trip of my life’ na Bibioteca Nacional di Aruba
ORANJESTAD - Dialuna atardi, dia 15 di april, di 6or pa 8or tabatin apertura di e exposicion di cuadra di Corina Coray, titula ‘The trip of my life’ na Biblioteca Nacional Aruba. A presenta un coleccion di 30 obra di Corina Coray den Sala di Exposicion y esaki ta habri henter siman durante orario regular di biblioteca.
A.T.A. a celebra Earth Day 2024 cu donacion na ‘Ban Lanta y Planta’
ORANJESTAD - Pa conmemora Dia Internacional di Mama Tera 2024, y na un manera diferente, A.T.A. a scoge pa otorga un donacion na organisacion non-profit cu oficialmente a wordo estableci na 2020, esta ‘Ban Lanta y Planta’. Un organisacion cu ta carga e meta pa planta un total di 10.000 mata local pa asina crea, conserva, y restaura un eco-sistema caminda cu flora, fauna, y nos hende local por prospera y co-existi den harmonia.
A.T.A. y Aruba Convention Bureau a contribui na proyecto educacional ‘Edmentum’
ORANJESTAD - A.T.A. y Aruba Convention Bureau (ACB) a forma parti di proyecto Edmentum. Un proyecto cu ta enfoca riba educacion, cu enfasis riba renobacion of construccion di un espacio educativo. Proyecto Edmentum ta diseña pa tin un impacto duradero riba e comunidad local mientras ta ofrece un experencia significante y agradabel pa tur e participante/ voluntario local y internacional.
Follow NoticiaCla
