Polis ta listra pa arma na Sabana Basora y San Nicolas

Posted on 2/27/2015, 3:08 PM AST | Updated on 2/27/2015, 3:16 PM AST

ORANJESTAD - Ministerio Publico y Cuerpo Policial Aruba (KPA) ta informa cu Sabana Basora y San Nicolas un parti a wordo apunta pa Fiscal Mayor, despues di a wordo autoriza pa Huez-Comisario, como area di riesgo di seguridad (veiligheidsrisicogebied). Ministerio Publico y KPA a establece un cantidad di fecha, riba cual polis lo fouilleer preventivamente pa posesion di arma di candela den e areanan aki. Notable ta cu e periodo pa listra ta practicamente henter un luna, cuminsando awe y cabando fin di luna di maart. 

E ordo pa preventief foulleren a wordo duna pa:

Diabierna 27 februari 2015 di 6’or di anochi te diasabra 28 februari 2015 pa 6’or di mainta Diasabra 28 februari 2015 di 6’or di anochi te diadomingo prome di maart 2015 pa 6’or di mainta Diaranzon 4 maart, diahuebs 5 maart, diahuebs 12 maart, diamars 17 maart, diahuebs 19 maart, dialuna 23 maart, diaranzon 25 maart, diahuebs 26 maart, dialuna 30 maart en diamars 31 maart 2015 di 12’or di merdia te 12’or di anochi Diabierna 6 maart 2015 di 6’or di anochi te diasabra 7 maart 2015 pa 6’or di mainta Diabierna 13 maart 2015 di 6’or di anochi te diasabra 14 maart 2015 pa 6’or di mainta Diabierna 20 maart 2015 di 6’or di anochi te diasabra 21 maart 2015 pa 6’or di mainta Diabierna 27 maart 2015 di 6’or di anochi te diasabra 28 maart 2015 pa 6’or di mainta Diasabra 28 maart 2015 di 6’or di anochi te diadomingo 29 maart 2015 pa 6’or di mainta.

E area den cual por fouilleer preventivamente riba posesion di arma di candela, a wordo apunta pa fiscal, despues di autorizaicon di Huez-Comisario a base di articulo 12 lid 2, 13 lid 2 en 14 lid 2 di Ley di Arma di Candela (Vuurwapenverordening). Polis tin den e area di riesgo di seguridad aki e autorizacion pa para hende y ristra nan preventivamente na nan paña, pa habri pakinan di cosnan y investiga e contenido di esakinan y pa investiga vehiculonan riba posesion ilegal di arma di candela.