Accion di trahadonan di Serlimar a continua diamars

SAN NICOLAS – E accion di trahadonan di Serlimar, a continua diamars mainta. E accion a inicia dialuna caba ora cu trahadonan a informa cu nan no por sigui traha bou di condicionan actual, unda cu falta uniform, falta structura, y un cantidad di iregularidad mas. E presencia di e minister encarga Ursell Arends no a yuda para e accion, pero esaki a continua. Mirando cu e trahadonan dialuna no a haya atencion necesario pa resolve nan asuntonan, a dicidi cu ta continua cu nan accion diamars tambe. Esaki ta nifica cu e por a strobe e servicio di piki sushi tambe. Intento pa comunica cu e sindicato y e minister no tabata exitoso ainda.