Dos homber arma a atraca trahado di Pizza Hut y bay cu miles di florin

SASAKI - Dos homber arma a atraca trahado di Pizza Hut y bay cu miles di florin dialuna. Segun vocero suplente di polis Liliana Rasmijn, tabata dialuna mainta pa mas o menos 10:55am cu central di polis a wordo notifica di un atraco cu a caba di tuma lugar un rato prome riba e caminda di santo banda di Pizza Hut. 

Na yegada di patruya a bin compronde di e victima cu e lo mester a wordo atraca door di dos hende homber bisti full na preto den un auto color shinishi y un di nan tabata tin un arma di candela. E victima a wordo agredi door di e atracadornan. 

E atracadornan lo a bay cu e auto di e compania Pizza Hut. Den e auto tabata tin e cellular di e victima y tambe un suma di afl 18.000,-. A pidi ambulance pa e victima y na unda personal di ambulance na su yegada a trate y hibe EHBO pa tratamento medico.  E victima su condicion ta stabiel. 

A HAYA E AUYTO

Un rato despues patruya di polis ta bin topa cu e auto cu a ser horta na un veld den e area di Bushiri. 

ATRACO TEAM

Atraco Team a presenta na e sitio pa haci nan investigacion, tambe polis technico y slachtoffer hulp. 

TIPLIJN

Di parti Cuerpo Policial ta pidi esnan cu a wak algo of sa algo yama e tiplijn di polis cu ta 11141.