Parlamento a cuminsa trata ley di screening di minister awe

ORANJESTAD – Parlamento a cuminsa tratamento di e ley di screening pa minister dialuna mainta. E intencion ta pa na final di e tratamento, Parlamento vota y aproba e ley aki. Entre e articulonan interesante tin articulo 8 cu un persona cu ta candidato pa minister, no por a keda condena pa un crimen, pa un periodo bayendo bek 8 aña, y tampoco por ta un sospechoso den un caso penal. Un di e basenan pa e ley aki ta pa evita un situacion manera cu tin actualmente p.e. unda cu tin un parlamentario cu ta sospechoso di un caso penal, pero como cu no tin ley cu ta prohibi esaki, e persona por eherce su funcion. Wak e ley concepto di ley completo AKI.