VNO a presenta su vocero nobo Jeroen Boudestijn

ORANJESTAD – Durante un almuerzo ayera merdia, e oficina di representacion di Hulanda na Aruba (VNO) a introduci prensa cu e vocero nobo di e oficina. Ta trata aki di e Jeroen Boudestijn (28) cu ta reemplaza Diederik ten Holder cu ta bolbe Hulanda e siman aki. Un di e responsabilidadnan di Boudestijn, lo ta pa atende cu prensa durante su periodo di 3 aña na Aruba. Procedente di un pueblo chikito na Hulanda, Boudestijn ta(bata) staciona na St Eustatius durante e ultimo 2 aña. Su funcion oficialmente ta cuminsa e prome siman di april proximo. Den curso di e periodo ey, lo tin mas informacion riba Boudestijn y kico por spera di dje. Riba e potret por mira momento cu Boudestijn (banda robez) ta hiba palabra, mientras cu su predecesor ten Holder, ta scucha.