Gobierno Hulandes preocupa cu aumento di casonan di Covid19

DEN HAAG – Gabinete Rutte 3 ta preocupa riba e cantidad grandi di casonan di contagio di Covid19. Como tal ta evaluando pa tuma medidanan pa frena esaki. Esey e minister demisionario di salud De Jonge a bisa despues di reuni cu e gabinete. E cantidad di persona cu Corona cu ta hospitalisa, a aumenta mas cu a premira. E gabinete lo informa otro siman diamars riba e tipo di medidanan cu por wordo tuma pa frena e brote aki. E no por a bisa ainda si, cua medida lo ta evaluando pa introduci awor. Diabierna awor lo haya un recomendacion di e Outbreak Management Team.