Wever: Gobierno ta sigui busca forma pa reduci gasto di AZV sin perhudica pueblo

Wever: Gobierno ta sigui busca forma pa reduci gasto di AZV sin perhudica pueblo

Posted on 10/22/2021 2:43 pm AST | Updated on 10/22/2021 2:49 pm AST

ORANJESTAD - Gobierno ta sigui busca forma pa reduci gasto di AZV sin perhudica pueblo . Asina gobierno ta bisa den un comunicado diabierna. Segun e prome mandatario, algun miembro di Parlamento di Hulanda (Tweede Kamer) a expresa cu si islanan di Caribe Hulandes no cumpli cu acuerdonan di “landspakket”, Hulanda mester dicidi si ta sigui cu e ayudo of no. Prome Minister Evelyn Wever-Croes a splica cu e situacion di Aruba no ta asina cu no ta den cumplimento, pero ta reconoce cu tin algun reto cu ta atendiendo directamente cu Gobierno Hulandes cu ne. Un di e retonan aki ta e cortamento di 60 miyon florin den fondonan di cuido medico.  

E realidad ta segun e mandatario,  cu Aruba no ta yega pa cumpli cu corta 60 miyon florin den gastonan di AZV pa e aña aki, pero ta yega banda di 40 miyon florin. Aña pasa (2020) a corta 35 miyon florin caba pues esey ta haci cu a corta 75 miyon florin den gastonan di cuido medico durante di un pandemia, Prome Minister a duna di conoce. Sinembargo, Premier Wever - Croes a splica cu e ta compronde e direccion cu e Parlamentarionan Hulandes kier hiba e tema y ta reconoce nan punto. Hecho ta, e gastonan di AZV ta halto y ta subiendo hopi. Consecuentemente, mester percura pa introduci varios cambio pa Aruba por carge. 

“Si nos kier para bek riba nos pianan pa nos carga nos finansas, nos mester haci cambio den AZV. P’esey a pidi AZV corta su gastonan y ta trahando tambe riba un ley pa yuda corta unda cu ta kere por corta sin cu esaki ta afecta usarionan y/of clientenan.” 

Prome Minister a splica cu Hulanda ta insisti riba algun aspecto cu mester cambia cual ta e propio contribucion (eigenbijdrage) y tambe e ‘positieve lijst’. Den corto, esaki ta encera cu ta atende cu aspectonan cu ta aumenta e gasto di cuido medico. Por haci esaki si indroduci por ehempel un costo na momento cu un persona haci uzo di ‘spoedeisendehulp’ pa un caso cu no ta di emergencia (cual ta tuma luga hopi y ta costoso). 

Otro alternativa pa reduci gasto di AZV ta, cu ta introduci un costo di 5 florin por ehempel, cu un persona mester paga pa remedi cu e haya. Asina ta aumenta conscientisacion di e costo di remedi pa no acumula pochinan na cas di un remdi cu ya tin y cu ta resulta cu despues algun ta bay benta afo. Importante den esaki ta cu no por impone un cambio/decision asina riba gruponan den comunidad cu no por page, Premier Wever - Croes a enfatisa. 

Locual cu Gobierno no kier, ta pa un persona malo no haci uzo di servicio medico pasobra e no por page. Pues lo percura pa tin un sistema ‘vangnet’ pa e gruponan vulnerabel manera esnan cu entrada abou, esnan cu tin pensioen y pa esnan cu ta ricibi bijstand.

Cu esaki Prome Minister ta ilustra cu ta trahando riba solucionnan pa baha gasto di AZV, cual ta algo cu Hulanda ta pone hopi presion riba dje. Ora esaki ta cla lo evalua si e ta den balans y lo introducie. Ta pidi solidaridad di esnan cu si por page, pa esnan cu no por page pa di e forma aki aumenta conscientisacion di e balor di e seguro medico y pa hunto por baha e gastonan di cuido medico na Aruba. 

 

  • Wever na sindicatonan: Gobierno no por para recorte salarial di 12.6%

    Wever na sindicatonan: Gobierno no por para recorte salarial di 12.6%

    ORANJESTAD – Gobierno no por complace e grupo di 15 sindicato door di para of revoca e recorte salarial di 12.6%. Asina prome minister Evelyn Wever a contesta e grupo di sindicatonan den un carta. Mes momento e mandatario ta urgi e sindicatonan pa no bay den un paro nacional, sino pa recapacita y acepta nan oferta di dia 1 di december ultimo, pa forma un comision y wak con hunto por sali di esaki. Tanten cu Hulanda ta duna Aruba ayudo financiero, ta dificil pa gobierno cumpli cu e exigencia di e sindicatonan. 

  • Triple A NV ta bay financia material pa post di bombero na aeropuerto

    Triple A NV ta bay financia material pa post di bombero na aeropuerto

    ORANJESTAD – Aeropuerto di Aruba (AAA) ta bay financia material pa e post di bombero na aeropuerto. Asina a keda informa diahuebs durante un conferencia di prensa diahuebs mainta. Pa esaki tabata necesario presencia di dos minister, di husticia y di turismo, responsabel pa bombero y aeropuerto respectivamente. E ta un acuerdo unda cu cuerpo di bombero por pidi AAA pa fondo pa inverti den e cuerpo, y unda AAA por prefinancia esaki. 

  • Roderick Hoek a huramenta como e parlamentario mas nobo di Aruba su Parlamento

    Roderick Hoek a huramenta como e parlamentario mas nobo di Aruba su Parlamento

    ORANJESTAD - Diaranson sr Roderick A. (Ricky) Hoek a huramenta pa forma parti di e organo di mas halto di nos pais, Parlamento #11.  Sr Hoek entrante awe ta forma parti di Fraccion di MEP den Parlamento. E ta reemplaza sr Juan (Ady) Thijsen cu ta bay traha na Bruselas como representante di Aruba pa Union Europeo. Un trabou cu Eddy Paris tabata haci te awor. Portret y parti di texto cortesia Fraccion MEP. 

  • Parlamento a ricibi Gobernador Interino nobo durante reunion solemne

    Parlamento a ricibi Gobernador Interino nobo durante reunion solemne

    ORANJESTAD - Entrante prome di december 2021, Aruba tin un Gobernador suplente nobo, Su Excelencia Agustin Vrolijk. Di acuerdo cu e Reglamento pa Gobernador di Aruba, awe durante un reunion solemne di Parlamento, sen?or Vrolijk a haci entrega na Parlamento di un copia di e Decreto Real fecha 26 di november 2021 encuanto su nombramento y di e proces-verbaal di su huramentacion fecha 30 di november 2021. Tambe sen?or Vrolijk a hiba un discurso cortico.

  • Wever: Contrario na Corsou, Aruba no ta contempla uso di QR-code

    Wever: Contrario na Corsou, Aruba no ta contempla uso di QR-code

    ORANJESTAD – Contrario na Corsou, Aruba no ta contemplando pa uso di un QR code manera cu Corsou a implementa pa control di hende pa wak si nan tin contagio di Covid19. Asina prome minister di Aruba Evelyn Wever Croes a bisa dialuna atardi durante un conferencia di prensa. Segun e mandatario, controlnan ta bayendo bon y no ta wak e necesidad di introduci e code ey. 

  • Gobierno di Aruba a despidi di ex minister Rudy Croes

    Gobierno di Aruba a despidi di ex minister  Rudy Croes

    ORANJESTAD - Gobierno di Aruba a rindi homenahe awe na ex minister Rudy Croes. E ex politico a fayece diasabra merdia despues di un periodo largo di enfermedad cancer. E corteho funebre a presenta dilanti Bestuurskantoor unda cu tanto gobierno como Parlamento a haya chens di despidi di e ex politico aki. Cu Rudy Croes sosega na paz. Hopi forza na su casa yuinan y demas famia.

  • Powered by SETAR