Polis ta detene tata cu a pusha yiu na estado y perde su baby

ORANJESTAD - Diahuebs merdia ta sucede un caso hopi lamentabel. Na un cas na Tanki Leendert un tata ta rabia asina hopi cu su yiu muher na estado y ta dal e yiu muher un pusha basta duro. Den e caida e yiu muher ta dal su barica hopi duro. Mesora a avisa polis y ambulance y na yegada personal di ambulance ta nota cu e dama su baby, ta den un situacion kritico, maske cu e dama tabata cana. Pero asina mes  cu urgencia ambulance ta transporta e yiu muher pa hospital. Polis mesora a detene e tata di e mucha muher na estado y a transporte pa warda di polis. Despues di un rato ta drenta un informe cu e dama na estado a perde su baby. E caso ta bou di investigacion.