Diputado di Bonaire ta reclama minister Hulandes pa declaracion haci

Diputado di Bonaire ta reclama minister Hulandes pa declaracion haci

Posted on 10/20/2021 11:11 am AST | Updated on 10/20/2021 2:40 pm AST

KRALENDIJK – Politiconan Boneriano ta hopi rabia y indigna pa e sugerencia di minister Kasja Ollongren recientemente cu esnan den Caribe Hulandes (incluyendo Bonaire) mester baña menos y usa menos airco pa e isla por tin un futuro mas ‘duradero’. Un di e politiconan ta diputado Nina den Heyer.  "Mi a cuminsa cansa  cu 11 aña despues ainda ta keda hasi e mesun inschattingsfout nan ki" sra den Heyer a comenta na noticiacla.com. 

E CARTA

Den e carta, e diputado ta mustra e mandatario Ollongren e.o. di ta sorprendi cu e declaracion haci di e mandatario, referente spaarmento di energia den Caribe Hulandes. Segun e diputado, e investigacion cu e mandatario Hulandes ta basa su mes ariba, no ta representativo. Esaki pasobra e.o. e investigacion tabata uno digital, mientras cu hopi cas no tin internet pues no por a participa na e encuesta haci. Segun e diputado, e ta puntra e mandatario si no ta miho usa e plan cu e compania WEB a presenta, di inversionan cu mester conduci na spaarmento di energia. Problema ta cu e gabinete Hulandes ainda no a tuma un decision riba esaki. E diputado ta finalisa bisando cu e declaracion di e mandatario Hulandes, a pone hopi hende na Bonaire rabia. Lesa e carta manda AKI. 

  • Tres Colombianonan ‘perdi’, lo a bandona barco crucero intencionalmente

    Tres Colombianonan ‘perdi’, lo a bandona barco crucero intencionalmente

    MIAMI – E tres pasaheronan crucero Colombiano cu a ‘disparce’ despues di a bishita Tortola durante un crucero riba e barco crucero di NCL, Norwegian Sky, ta resulta cu a bandona e barco intencionalmente pa no bolbe. Noticiacla a raporta riba esaki recientemente, unda cu a bati alarma ora cu e barco a sali sin e tres personanan, unda cu a cuminsa un buskeda pa nan. AWor ta resulta cu ora cu autoridad a check e cabina di e tres pasaheronan, a haya esaki completamente bashi. Pues nan lo a bandona e barco cu tur nan pertenencianan, cu ta mustra straño, sin cu e personal di e barco a nota esaki.  Mientrastanto e buskeda ta continua pa e tres personanan na Tortola. E tres Colombianonan tabata riba un crucero cu a caba pasa Aruba y Corsou tambe, pa despues yega Tortola. Aki ta unda e problemanan a cuminsa. 

  • Tres pasahero Colombiano cu a pasa Aruba riba barco crucero, ta ‘perdi’ despues di a yega Tortola

    Tres pasahero Colombiano cu a pasa Aruba riba barco crucero, ta ‘perdi’ despues di a yega Tortola

    TORTOLA – Tres pasahero biahando riba e barco crucero Norwegian Sky ta raporta como perdi despues cu e siman aki e barco a pasa Tortola, Isla Virgen Britanico. E barco prome cu esey a pasa Aruba tambe, pero ta na Tortola a sinti nan falta. E polis local a cuminsa un buskeda di e tres personanan, di nacionalidad Colombiano. Ta trata di Jean Carlo Ospina Cano, Pamela Mesa Escobar, y Yesica Yojana Marin Ramirez. No ta conoci si nan ta famia y si nan a keda tera ‘intencionalmente’ of si algo por a pasa nan. 

  • Familiarnan di e 9 hombernan cu a disparce na caminda pa Aruba a keda secuestra

    Familiarnan di e 9 hombernan cu a disparce na caminda pa Aruba a keda secuestra

    CARACAS – Familiarnan di esnan cu a naufraga riba laman na caminda pa Aruba, desde Paraguana, estado Falcon, ta kere cu nan tabata victima di un secuestro. Asina e portal Venezolano el diario.com ta raporta. E 9 hombernan ta desapareci desde December 2023. “Mientras cu e dianan tabata pasa, nos tabata spera cu nan lo a sali via Guajira pa Colombia, nos ta calcula y ta den nos cabez cu nan ta secuestra” un di e familiarnan a bisa na radio Union dialuna. Irene Velazco, otro familiar entrevista a bisa cu nan a raporta esaki caba na e autoridadnan. “Nos a te hasta bay guardacosta y nan a tuma nos datonan. Supuestamente nan lo ta haciento e buskeda pero nunca nan a duna nos prueba di e busqueda aki”. 

  • Maduro re-eligi pa partido PSUV pa participa pa presidencia di Venezuela

    Maduro re-eligi pa partido PSUV pa participa pa presidencia di Venezuela

    CARACAS – Presidente Venezolano Nicolas Maduro oficialmente a keda elegi pa su partido pa busca un di tres mandato consecutivo como presidente di e pais dia 28 di juli proximo. Esaki a keda informa dialiuna pa e partido Chavismo. DiosdadoCabello, vicepresidente di e Partido Socialista de Venezuela (PSUV) a bisa riba su cuenta X, cu e base di PSUV a dicidi Nicolas Maduro candidato”. E ta sigura cu e mas di 4 miyon miembro di e partido PSUV, a participa den e consulta. Inicialmente a anuncia cu lo a participa e nomber di e candidato dia 15 di maart, pero a haci esaki caba dialuna.  

  • Boneiru ta bai pa ménos imigrante: ‘Mester di kondishonnan estrikto pa estranhero’

    Boneiru ta bai pa ménos imigrante: ‘Mester di kondishonnan estrikto pa estranhero’

    KRALENDIJK - Si sigui pensamentu di e gobièrnu lokal di Boneiru pronto mester bira mas difísil pa estranheronan establesé riba e isla. For di 10 di òktober 2010 e poblashon di Boneiru a krese enorme. Na e momento aki Boneiru a surpasá 25 mil habitante. Dado momento a karakterisá esaki komo un kresementu deskontrolá, asina Nathaly Evertsz ta skirbi awe pa Ret Karibense.

  • Den corte na Bonaire: Miyones malversa na Bopec

    Den corte na Bonaire: Miyones malversa na Bopec

    KRALENDIJK – Den transkurso di añanan a malversá miónes di dòler na BOPEC. Esaki abogado Lucas Drissen di bufèt HBN Law & Tax a deklará den Korte. “Mi tin tres aña trahando hopi di aserka ku e curator i mi a konstatá ku a malversá miónes di dòler na BOPEC”, segun e abogado. Ta trata aki di un disputa basta formal entre BOPEC i eks mènedjer general Ethward Manuel. BOPEC a entamá un kaso kontra Manuel i ta eksigí pago di kasi 300 mil dòler. Ethward Manuel apresentá den sala di korte huntu ku su abogado Edward Winkel.

  • Powered by SETAR