Certificacion manehadornan di cacho di St Maarten na Aruba

ORANJESTAD – St Maarten su cuerpo di polis tin dos manehado di cacho nobo, hunto cu e dos cachonan mes. E logro pa Aruba ta grandi, den sentido cu ta personal di Aruba a entrena dos manehador di cacho di polis di St Maarten y certifica nan tambe. E certificacion a sosode diabierna na e centro di entrenamento di polis di cacho na Balashi den presencia di e hefe di polis di St Maarten, Peter de Witte. E ta un momento unico segun e entrenador principal di Aruba Dick van Leenen. Ta trata di cachonan cu a bin ‘berde berde’ for di Hulanda, y cu na Aruba a wordo entrena hunto cu nan manehador nan pa por haci trabou di polis. “Aki nan a siña tur tur cos” van Leenen a bisa, refiriendo na e hecho cu nan a haci'e den un periodo di 2 siman. Riba e potretnan di NoticiaCla por haya un impresion di e momentonan di entrega di certificacion.