Costa Linda Resort ta celebra su 30 aña di aniversario

Costa Linda Resort ta celebra su 30 aña di aniversario

Posted on 10/18/2021 10:39 am AST | Updated on 10/18/2021 10:40 am AST

PUNTA BRABO – Recientemente Costa Linda a celebra su 30 aña di aniversario. Luigi Heredia, General Manager a yama bon bini na hopi bishitante na su resort, riba e occasion. E celebracion a tuma luga na e pool deck  den presencia di e.o. Minister di Turismo y Salud, Dangui Oduber, CEO di Aruba Tourism Authority, Ronella Croes y Presidente di Hunta di Costa Linda, Gale Measel y miembronan di hunta.

RESORT NO A CERA

Aña pasa durante e pandemia, Costa Linda tabata un di e dos resort cu nunca a cera. Mientras henter e isla a paralisa completo, Costa Linda tabata tin bishitantenan y den consideracion di su staff, a keda cu tur nan empleadonan, brindando salarionan completo y siguridad di empleo, den sosten completo di su miembronan kende a haci hopi contribucionnan adicional special.

CEREMONIA

E ceremonia a honra 10 di e resort su empleadonan kende a keda cu e resort desde inicio, den total 27 staffers, cada un cu mas di 25 aña na e propiedad.

HISTORIA 

Historia ta revela cu e prome unidad a wordo bendi na Costa Linda Beach Resort prome cu construccion na 17 di December, 1990. E prome bishitante a yega riba 1 di November 1991, anto a conclui cu un fiesta grandi riba 16 di Mei 1992.

HISTORIA

E resort, na Punta Brabo cumisando na Eagle Beach, ta ocupa aproximadamente 6.5 acres di tremendo bista pa lama cual ta wordo disfruta pa bishitantenan y miembronan for di nan terasa of unidadnan di balcon. General Manager Luigi Heredia, tabata na cabes pa 13 aña como representante di Royal Resorts Caribbean akinan, e resort ta wordo maneha y ta pertenece na Costa Linda Beach Resort Cooperative Association cual ta encera tur su doñonan di Timeshare, manehado e edificio di cinco piso den forma di piramide cu su 155 unidadnan y 139 two bedrooms, 16 three bedroom suites y 5 luxury Frangipani suites. E resort ta un tremendo exito desde inicio resultando den haya diferente TripAdvisor Certificates of Excellence, y varios mas Interval y RCI Commemorative Plaques.

  • Jossy Brokke Jr. a ricibi e prome ‘Premio Crioyo di Oro’

    Jossy Brokke Jr. a ricibi e prome ‘Premio Crioyo di Oro’

    ORANJESTAD – Diaranson Fundacion Go Cultura a organisa un  anochi cultural brindando tributo musical na e artista y baluarte, sr. Jossy Adriaan Brokke Jr. den Cas di Cultura.

  • Comision Derecho di Mucha ta clausura su campaña

    Comision Derecho di Mucha ta clausura su campaña

    ORANJESTAD – Riba dia Internacional di Mucha Comision Derecho di Mucha den colaboracion un biaha mas cu Bright Bakery a saca e feliz ganado di e campaña riba medionan social caminda a regala un bunita bais.

  • E ganadornan di e concurso di kleur “Stima Bo Mascota” 2021 ta conoci

    E ganadornan di e concurso di kleur “Stima Bo Mascota” 2021 ta conoci

    ORANJESTAD - Un rato pasa a anuncia e muchanan cu a gana e concurso di kleur “Stima Bo Mascota” riba e pagina di FaceBook Stima Mi Mascota.

  • Caribbean Mercantile Bank N.V. (CMB) ta yuda traha desayuno pa muchanan cu tin mester

    Caribbean Mercantile Bank N.V. (CMB) ta yuda traha desayuno pa muchanan cu tin mester

    (ADVERTORIAL)

  • Mas di 100 mucha a participa na e concurso di kleur “Stima Bo Mascota” 2021

    Mas di 100 mucha a participa na e concurso di kleur “Stima Bo Mascota” 2021

    ORANJESTAD - Mas di 100 mucha a participa na concurso di kleur “Stima Bo Mascota” 2021. Asina e comision encarga cu e proyecto bunita aki, a raporta diahuebs mainta. Manera ta conoci, diabierna 24 di september a inicia e concurso di kleur “stima bo mascota” special pa nos chikitinnan di 4, 5 y 6 aña di edad cu ta bishita scol preparatorio. E concurso tabatin e meta pa sigui conscientisa comunidad, specialmente muchanan, cu nan mascota merece bon cuido, y cu ta masha normal pa laga sterilisa bo mascota. “Nos ta combensi cu si cuminsa inculca e amor pa mascota serca nos muchanan, esey ta garantisa un miho futuro pa locual ta trata e cuido di mascota door di nan doñonan y un escogencia responsabel si ta tuma un mascota si of no” drs Irene Croes, veterinaria den servicio di gobierno a comenta. Dia 4 di november 2021, exactamente 1 luna despues di Dierendag, tabata e ultimo dia cu por a entrega e formularionan di participacion. Un total di 122 formulario a wordo entrega di cual 120 ta den e categoria cu lo ricibi premio. Pues 36 mucha di 4, 74 mucha di 5, y 10 mucha di 6 aña di edad a kleur y entrega nan formularionan debidamente. E comision ta hopi contento cu 2 otro mucha tambe tabatin e curashi pa participa y kier gradici nan pa esey. E top 3 di e scolnan participante ta Agnes Kleuterschool (65), Imelda Kleuterschool (22), y Ayo Kleuterschool (18). Diahueps mainta, dia 18 di november, e huradonan a pasa door di tur e kleurplaatjes pa saca e 7 ganadornan. Dia internacional di mucha, diasabra dia 20 di november, e ganadornan lo wordo anuncia riba e pagina di FaceBook Stima Mi Mascota. E siman siguiente lo tuma contacto cu e scolnan pa informa tocante e entregamento di premio. E comision kier gradici tur mucha cu a participa, tur scol cu a laga e muchanan kleur na scol mes, tur adulto cu a percura pa e kleurplaat wordo entrega na ora, Armando Goedgedrag pa un bunita ilustracion cu e muchanan por a kleur, y tambe kier gradici Compra / Purina pa a yuda haci e concurso aki posibel.

  • Ban Keiro cu Pasa Pret cu Rotaract=-

    Ban Keiro cu Pasa Pret cu Rotaract=-

    ORANJESTAD - Rotaract Club ta contento y orguyoso di por presenta un otro edicion di e evento anual tan gusta cual ta 'Pasa Pret cu Rotaract. Dia 27 di november Rotaract lo ta organisando e di 8 edicion di Pasa Pret cu Rotaract cu lo hiba e nomber di: Ban Keiro cu Pasa Pret cu Rotaract. E biaha aki e club hunto cu IBiSA a planea un ruta yena cu actividad na Eagle Beach unda nos muchanan por bin participa na dje y gana diferente premio.

  • Powered by SETAR