Knops: No relaciona Hulanda cu rapport negativo di Nacionan Uni contra derecho humano na Corsou

DEN HAAG – Cu Hulanda tin relacion cu e raportahe di Nacionan Uni riba violacion di derecho humano na Corsou riba caso di migrantenan Venezolano, ta un idea ekiboca. Asina secretario di estado demisionario Hulandes Raymond Gradus a bisa den Tweede Kamer diahuebs anochi ora di Hulanda. E ta referi na e. rapport recien cu ta bisa cu Hulanda ta ‘wak otro caminda’ ora cu Corsou viola derecho humano, esta cu Hulanda no ta asumi su responsabilidad den e asunto. Segun Knops, ta cada pais ta responsabel pa nan maneho di asunto di estrangeria. E instancianan cu ta atende cu e asuntonan aki no ta uno Hulandes sino di Reino. “Tur cos ta tuma lugar bou di gobierno local. Hulanda no ta tuma e responsabilidadnan aki over y sigur no tin un funcion di supervision akinan” Knops a sigui bisa. Y esaki, segun e mandatario, pasobra e ta un asunto di migracion ta un asunto local. “Ta keda na autoridad di Corsou pa dicidi si ta compliendo cu e reglanan y tratado internacional”. Loke cu Hulanda ta haci ta yuda cu asistencia technico riba peticion di e respectivo paisnan. Potret ta screenshot di e presentacion di Knops den Tweede Kamer awe mainta.