Aruba a conoce e prome registro di union civil di dos persona di mesun sexo

ORANJESTAD – Apenas algun siman despues cu ley ta permiti pa registra union civil di persona di mesun sexo, awe diahuebs Aruba a conoce e prome caso registra. Ta trata di e dos damanan Jennifer van der Biezen y Jessica Cordoba cu a usa e posibilidad y a registra nan union asina na Censo. Te cu prome di 1 september di e aña, esaki ainda no tabata permisibel. Loke ainda no ta permiti si, ta pa pareha di mesun sexo casa na Aruba. Pero pa e grupo di LGBTQ+ na Aruba esaki caba ta un logro hopi grandi. Potret di Facebook di Cordoba.