AHATA: Ola di COVID tabatin efecto grandi riba turismo den september

AHATA: Ola di COVID tabatin efecto grandi riba turismo den september

Posted on 10/12/2021 2:56 pm AST | Updated on 10/12/2021 2:56 pm AST

ORANJESTAD, Aruba –  12 di october, 2021:  Aruba Hotel & Tourism Association (AHATA) ta publica e cifranan di ocupacion y prijs di hotelnan mensualmente, y data di September ta indica cu e ultimo ola di COVID a causa un perdida averahe di 12 punto di grado di ocupacion na hotel. Despues cu CDC a hisa nivel di alerta pa Aruba, mas cancelacion di reservacion, y specialmente di grupo, a drenta. 

 

DATA SEPTEMBER 2021:

 

-        Ocupacion: E grado di ocupacion tabata 56.3%; cual ta un recuperacion di 71% compara cu September 2019. 

-        25% di e hotelnan a experiencia un grado di ocupacion abao di 40%. 

-        ADR: E balor averahe di cada camber bendi tabata $243.25, cual ta 13.6% mas halto cu na 2019. 

-        RevPAR: E entrada averahe pa tur camber disponibel tabata 20% menos cu na 2019, yegando $136.89.

 

2021 TE CU SEPTEMBER:

 

Den e prome 9 luna di 2021, Aruba su hotelnan a experiencia ocupacion averahe di 53.4%. 

ADR ta 8.6% menos y RevPAR ta 43% menos compara cu mesun temporada na 2019.

 

PROYECCION TIMESHARE:

 

Ocupacion na propiedadnan Timeshare tabata 74% na September, y ta proyecta na 82% pa e luna di October.

 

 

  • DCCA: Bula entre e islanan di Reino pa 100 dollar mester por bira un realidad

    DCCA: Bula entre e islanan di Reino pa 100 dollar mester por bira un realidad

    ORANJESTAD – E intencion ta pa den futuro cercano un pasahero por bula entre e islanan aki pa 100 dollar so. Ta papia di e islanan ABC y Isla Riba. Asina director di aeropuerto di Aruba Joost Meijs ta bisa den un entrevista pa e revista Luchtvaartnieuws Magazine edicion di October. Aruba ta parti di DCCA, cu ta e Dutch Caribbean Cooperation of Airports, y nan kier duna e trafico aereo entre e islanan un impulso extra. Segun Meijs, e buelonan entre e islanan ta hopi importante. Esaki pasobra e network social y economico di e pueblo y e companianan ta reparti riba tur e islanan aki. Pues e trafico ta hopi entre nan. DCCA aworaki ta trahando riba un business case y pa calcula e realisacion di e plan. Y e plan pues, ta pa e tarifa bira 100 dollar pa bula entre e islanan. Aworaki e prijs ta mas cu double esaki. Y cu e extra pa test pa Covid, e portal aki a compronde cu e gastonan a aumenta enormemente. 

  • No ta na Aruba so CIBC FirstCaribbean a bende nan activo bancario

    No ta na Aruba so CIBC  FirstCaribbean a bende nan activo bancario

    ORANJESTAD – Fuera di Aruba, ta resulta cu e instituto financiero CIBC FirstCaribbean International Bank Limited a bende parti di nan propiedadnan na 4 otro isla tambe. Ta trata di St. Vincent, Grenada, Dominica y St. Kitts to. Tabata recientemente cu den forma di sorpresa pa hopi, Aruba Bank a anuncia cu nan ta tuma gran parti di e propiedad di First Caribbean over. Pero, awor ta resulta cu ta un strategia di e banco Caribense, pa ‘simplifica y expande nan eficiencia y enfoca riba cierto mercadonan so’. E banconan cu a tuma e operacion over riba e otro islanan ta e.o. The Bank of St. Vincent and the Grenadines Ltd., Grenada Co-Operative Bank Limited, National Bank of Dominica Ltd., y St. Kitts Nevis Anguilla National Bank Ltd. Mescos cu esun di Aruba, e benta ta pendiente aprobacion di Banco Central e respectivo islanan. 

  • Feliz ganado di 2 miyon florin cu Lotto 5 a cobra su premio!

    Feliz ganado di 2 miyon florin cu Lotto 5 a cobra su premio!

    ORANJESTAD - Dialuna 18 di october, Cornelia W. a bishita oficina principal di Lotto pa cobra su premio multi-miyonario di Lotto 5. Cornelia tabata feliz cu el a gana e 2 miyon florin. El a cumpra un lotto loco y e numbernan ey a bin resulta e number ganado di Lotto 5.  

  • Hospital lo sali 1 ½ mas caro cu a keda presupuesta

    Hospital lo sali 1 ½ mas caro cu a keda presupuesta

    ORANJESTAD – Unabez cu e hospital ‘nobo’ y renoba di Aruba keda entrega fin di 2022, e lo a costa un biaha y mei mas di e prijs original, y no doble. Por lo menos no basa riba e plan actualisa. Segun e plan inicial si. Asina miembro di Stichting Onroerend Goed Aruba (SOGA) Edwin Roos a bisa e siman aki den e programa Noticiacla LIVE na periodista Tito Laclé. E ta coregi asina e director di hospital Jacco Vroegop cu recientemente tabata den otro programa Noticiacla LIVE, aki el a bisa cu e hospital finalmente lo costa doble. 

  • Aruba Bank ta adkeri mayoria operacion di CIBC First Caribbean na Aruba

    Aruba Bank ta adkeri mayoria operacion di CIBC First Caribbean na Aruba

    ORANJESTAD - Aruba Bank a anuncia diamars cu e la cera un convenio cu FirstCaribbean International Bank (Cayman) Limited (“FCIB Cayman”), un subsidiario enteramente propiedad di FirstCaribbean International Bank Limited (“FirstCaribbean”), pa cumpra cierto di nan activonan bancario na Aruba. E transaccion ta suheto na aprobacion segun regulacion pa Banco Central di Aruba (CBA). Ta spera di finalisa e transaccion den e proximo lunanan. 

  • Prijs di gasoline, diesel y kerosin ta subi diaranson na Aruba

    Prijs di gasoline, diesel y kerosin ta subi diaranson na Aruba

    ORANJESTAD - Minister di Finansas, Asuntonan Economico y Cultura ta anuncia e prijsnan nobo di benta di combustibel entrante 13 di october 2021:

  • Powered by SETAR