Cantidad di casonan positivo di Covid19 na Hulanda a aumenta cu 48%

ZEIST – E cantidad di casonan positivo di coronavirus a aumenta cu mitar na Hulanda. Asina Rijksinstituut voor Volksgezondheid en Milieu (RIVM) ta raporta diamars. Den e ultimo dianan, a registra 17.832 casonan positivo contra 12.016 di un siman prome. Esey ta un aumento di 48%A. E brote ta riba e nivel mas halto desde fin di augustus segin RIVM. E cantidad di casonan positivo ta aumenta den tur categoria. Por raporta p.e. cu a detecta e virus den 1435 mucha di 5 pa 9 aña. Esey ta 55% mas cu un siman prome. Den e grupo di edad di 45 pa 49 aña e aumento tabata casi 62%. Entre esnan di 70 aña, por a wak un aumento di casi 75% y entre e grupo di bou di 90 aña, tabatin un aumento di casi 80%.