Corte: Jason M. ta desmenti di a viola menor di edad

Posted on 10/8/2021 2:31 pm AST | Updated on 10/8/2021 3:01 pm AST

ORANJESTAD – E homber sospechoso di a viola un menor di edad, e conocido personalidad Jason M.(40) a desmenti su actonan den corte awe mainta ora cu su caso a bin dilanti. E ta wordo acusa di entre September 2020 y febriuiari 2021 a penetra un hobencita A, di 16 aña diferente biaha, y comete actonan inmoral cu e mesun dama cu ta bou di su encargo y mishi na su parti intimo. Fiscal a pidi castigo di 3 aña di castigo di prizon pe. 

E TRATAMENTO

Durante e tratamento di e caso diabierna mainta, M. a desmenti e acusacionan den su contra. E la sigura cu e mucha encuestion tabata traha practicamente henter dia cun’e na e gym cu ta di casa di e sospechoso. Segun e sospechoso, e tabata percura p’e. Ademas e sospechoso a sigui bisa cu e mucha tabata esun cu tabata seduci’e y na dado momento e sospechoso a enamora di dje. E mucha hoben tabata na altura cu M. tabata casa y lo a palabra cu ora cu e mucha tin 18 aña, lo a dicidi kico ta haci e ora. Segun M., e tabata sa cu e mucha ta menor di edad y cu e no tabatin ningun relacion cun’e. E la bisa cu e mucha a wordo abusa pa dos miembro di su famia, y pesey no kier a influencia e mucha. E la desmenti categoricamente cu e tabatin relacion sexual cu e mucha. Berdad segun M., cu nan tabata den un relacion, pero no sexual. 

INTEROGACION DI HUEZ

Durante e tratamento di e caso, e huez dado momento a cuestiona M. pakico e no a declara esaki prome. Segun e sospechoso su splicacion, ta su abogado a bise prome pa e keda keto. Despues el a bisa e abogado mr Zuhayla Arends-Marchena y e ora a dicidi pa papia. Huez a puntra pakico e mucha a declara contra M. Segun e sospechoso, e famia di e dama A,su mama y su ruman tabata pone presion pa e declara contra M. pa asina tapa lok e apasa cun’e cu su mesun famia su abuela y su omo. Huez e momento ey a remarca cu apesar cu loke cu M. a bisa, A a keda mantena su declaracion di tabatin relacion enamoroso y sexual cu M. 

FISCAL SU ARGUMENTO

Segun Fiscal den e caso a bisa, den un caso di abuso mester tin prueba di sosten. Y den e caso aki e ta haya cu tabatin suficiente prueba di sosten. Y combina cu cu e declaracion di e victima, e ta considera cu tabatin suficiente prueba. A mustra cu dia 3 di februari 2021 e mama a haci denuncia contra e sospechoso. Un dia prome ora cu e yiu a bay drumi, e mama a bay coba den e cellular y a mira e combersacionnan di whatsapp caminda por conclui cu M. lo a sunchi A. e dia ey. Dia 3 di februari 2021, Kinder en Zeden politie (KZP) a interoga A, cu a bisa cu ta for di augustus 2020 el a cuminsa traha na e gym. Hendenan di gym tabata bis a cu tur ora A. y e sospechoso tabata hunto y ta papia den orea di otro. E ruman muher grandi di A, despues di a mira e mensahenan whatsapp, ta haya cu e sospechoso tabata manipula A. Segun e mucha A, el a acerca M. (e sospechoso) pa tin relacion, pero M. a distancia pasobra e ta menor di edad y cu e sospechoso tabata casa. Na dado momento A lo a duna M. un sunchi den su boca y asina a crea un relacion di sunchimento. Segun e mucha, despues tabatin mishimento y despues relacion sexual. E mucha a bisa cu e tabatin relacion sexual voluntario cu M. diferente biaha. 

E SOSPECHOSO

Jason M. a desmenti despues durante e tratamento, di tabata den e camber di masashi cu A. Den corte diabierna el a bisa cu por bien ta cu e tabata algun biaha cu A,. den e camber di masashi, pero cu no tabatin relacion e ora ey. Tin testigo cu a mira cu A. taabta bay den e camber di masashi, y cu despues Margarita tabata drenta. Despues di 3 pa 4 minuut, M. tabata sali y despues A. Fiscal a remarca cu prome, e sospechoso a desmenti y despues ta bisa cu tabatin relacion amoroso, pero cu KZP ta fabrica cosnan pa mustra cu e sospechoso ta culpable. Fiscal a menciona chatnan cu a download, pero cu no ta asina cu a fabrica e contenido. 

CIERE DI CASO

Na final, Fiscal a exigi 42 luna di prison, di cual 6 condicional cu un periodo di prueba di 2 aña y cu guia di reclassering. Si kita loke tin di kita, y huez bay di acuerdo cu e sentencia, M.  por sinta 1 aña y mei, kitando VI. Huez lo dicta sentencia final dia 29 di October 2021. 

  • Ministerio Publico: Si bo no paga multa habri, bo ta bay KIA!

    Ministerio Publico: Si bo no paga multa habri, bo ta bay KIA!

    ORANJESTAD - Ministerio Publico lo cuminza entrante dialuna prome di november venidero cu ehecucion di sentencianan di boetnan di trafico. Personanan cu tin un condena irrevocable pa delitonan di trafico, lo wordo busca activamente pa Ministerio Publico y hiba KIA pa sinta nan detencion. KIA a prepara algun cel extra pa cu e meta aki. Funcionarionan di CEA (Cuerpo Especial di Aruba) lo sali riba caminda diariamente den nomber di Ministerio Publico. Nan lo tin un mashin di pin portatil den auto pa asina personanan cu ainda ta desea pa paga nan boetnan habri (y evita cu nan lo wordo transporta), por swipe. Una vez CEA yega na hende su cas, no ta posible mas pa yega na un areglo di pago   

  • Fisioterapista mester a entrega su mes na KIA atrobe

    Fisioterapista mester a entrega su mes na KIA atrobe

    ORANJESTAD – Awe Fiscal a duna orden pa e conocido fisioterapista Rudy Cartientrega su mes atrobe na KIA. Esaki mientras cu recientemente e la wordo lagaden libertad despues di e sentencia. E cambio a bin ora cu Fiscal a apela e sentencia di Corte den Promer Instancia. Manera por corda, Corte den Promer Instancia a declara Rudy Carti liber di un total di 4 di e 8 acusacionan di lo a mishi y penetra un dama cu e lo a duna masashi.  Na e occasion ey, Corte a condena Carti na 2 aña di prison di cual 1 aña ta condicional cu un tempo di prueba di 2 aña. Por corda con e mesun dia Rudy Carti por a bay cas, como un homber liber ya cu e sentencia y e periodo cu e tabata sera den KIA tabata permiti esey.

  • Awe Fiscal a exigi pa Paul Croes paga 207 mil florin di labamento di placa

    Awe Fiscal a exigi pa Paul Croes paga 207 mil florin di labamento di placa

    ORANJESTAD – Awe 2 or di merdia Corte den Promer Instancia a trata e caso di expropiacion (kita propiedad) contra Paul Croes, relaciona cu labamento di placa. Por a compronde cu un Hues y un Griffier di Curacao a bin Aruba specialmente pa tratamento di e caso aki. E Hues di Curacao a mustra cu for di documentonan di tratamento di e casonan den Promer Instancia y e sentencia di Corte Superior por compronde Melony Croes Paesch a wordo declara liber di a laba 209 mil florin. Hof su decision ta cu Paul Croes ta culpable di a laba 183 mil florin.

  • Ex minister Paul Croes lo bringa su caso den Corte di Casacion

    Ex minister Paul Croes lo bringa su caso den Corte di Casacion

    ORANJESTAD – Ex minister Paul Croes a dicidi cu ta bay Corte di Casacion. Asina e la declara awe diahuebs na prensa despues cu a trata e caso di confiscacion. Segun e ex mandatario, a evalua basta fuerte den seno familiar riba e resultado di e caso penal Ibis recientemente, tambe cu abogadonan y a dicidi cu ta apela esaki mas leu. Primordialmente pasobra no ta di acuerdo cu e proceso con esaki a wordo trata. Tabatin actonan illegal di parti di Procurador General  y Ministerio Publico den e caso aki segun e ex mandatario. E ta mustra cu ley na Aruba ta bisa hopi cla cu e unico persona cu por persigui un minister den funcion, ta e PG. Fiscal of Ministerio Publico no por hacie esaki riba su mes. Segun Croes, nan (su ekipo legal) no a haya e asina yama ‘bijzondere aanwijzing’ of aprobacion firma di PG den e dossier den caso Ibis. Loke a haya ta un carta no firma na Hof, cu ta apodera Ministerio Publico pa persigui e mandatario, locual ta haci cu e carta e ora no tin validez. Ademas, segun e ex mandadatario, e carta tabata fecha despues cu e caso a cuminsa. Segun e ex mandatario, e ta yama esaki ‘te gek voor woorden’, y ta considera esaki un di e foutnan procedural. Ora cu un fiscal actua riba su mes, e ta actua illegalmente segun e ex mandatario. 

  • Paul Croes: Desapunta cu huez no a tene consideracion cu hopi cos

    Paul Croes: Desapunta cu huez no a tene consideracion cu hopi cos

    ORANJESTAD – Ex minister Paul Croes a keda desapunta cu e sentencia di Hof diamars merdia contra dje, unda cu a kere cu lo absolvie di e cargonan y a toch haya castigo di prison. Berdad e castigo a keda reduci di inicialmente 5 aña (pidi pa Ministerio Publico), pa 4 aña (sentencia den corte di prome instancia) y finalmente Hof awe a baha esaki te 3 aña. Segun Croes, e tres huesnan no a tene consideracion cu hopi punto manera cu el a kere y ta haya cu algun caminda a bay ‘te kort door de bocht’, pues no a tuma mas tempo pa evalua e puntonan den profundidad, y a keda superficial. 

  • Hof a reduci castigo di ex minister Paul Croes na 3 aña di prison

    Hof a reduci castigo di ex minister Paul Croes na 3 aña di prison

    ORANJESTAD – Hof diamars a sentencia ex minister Paul Croes na 3 aña di castigo di prison, 1 menos cu e la haya den prome instante, y 8 aña pa tanto prohibicion di traha como ambtenaar y participa activamente den politica. E ultimo dos cargonan a keda reduci cu 2 aña tambe. Sinembargo, Hof a haya Croes culpable pa tur 6 cargo cu tabata sospeche di dje, mientras cu den prome instancia a declare liber di uno. 

  • Powered by SETAR