- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Wever: Aruba lo ta cla na tempo cu e LNT conforme palabracion RMR
ORANJESTAD – E Ley Normering Topinkomen (LNT) pa loke ta Aruba ta den un estado hopi avansa, pues no ta mira motibo pa no cumpli cu e ultimatum di Hulanda di 1 di november pa tin e ley aki cla, manera cu e portal aki (noticiacla) a raporta anteriormente. Asina prome minister Evelyn Wever Croes a sigura e siman aki publicamente. Asina e ta reacciona riba e declaracion di e siman aki di secretario di estado demisionario Hulandes Raymond Knops cu a informa Tweede Kamer cu a pone ultimatum pa e islanan en cuestion riba e tema aki.
CONDICION OF NO?
E condicion aki tabata conoci caba na comienso, como un di e condicionan pa Aruba (y e otro islanan) haya sosten di likides for di Hulanda. Aruba ta sigura (lesa: prome minister Evelyn Wever) cu esaki no ta motibo cu Aruba recientemente no a haya e sosten, segun bisa den RMR.
ARUBA LO CUMPLI
Segun e prome minister, e ley di LNT ya tabata cla den concepto y a bai Raad van Advies di Aruba tambe. “Adicionalmente por informa cu e lo wordo adapta a base di rekisto manera stipula den decision di conseho di minister di reino di 24 di september 2021” e mandatario a sigura. E mandatario a bisa cu e LNT di Aruba ta esun cu ta yega mas serca di WNT di Hulanda compara cu e otro paisnan. “Es decir no tin hopi punto pa adapta. Pa aspecto di pensioen tabata en espera di un regional afgestemd normbedrag (pa preveni brain drain) pa asina por a finalisa esaki. Conforme decision di 24 di september 2021 e punto di pensioen tambe lo wordo finalisa den e concepto actual y na tempo”, e mandatario a sigui bisa.
CONTRADICTORIO
Loke tambe e mandatario a clarifica ta e hecho cu Aruba lo no a haya sosten di likides of cu a pospone esaki debi na e LNT. “No ta asina cu e sosten di likides a wordo postponi pa motibo di LNT. Por escrito BZK a informa Aruba cu e sosten di likides di e di 4 kwartaal a wordo postponi pa motibo cu no a cumpli cu rekisito di entrega un plan di accion pa corta 60 miyon pa aña den cuido, 1 di augustus 2021 na CAFT” e mandatario a sigui bisa.
PA KEN E LNT TA CONTA?
E mandatario a recorda cu e LNT ta conta pa ministerio di pais Aruba, compania estatal, parlamento, Raad van Advies (no e presidente), ARA. Entidad huridico institui por medio di ordenanza nacional (landsverordening) y: (1) estableci na Aruba cu accionan (aandelen) of certificado parcialmente of completamento den man di pais Aruba (2) cu tin relacion financiero cu pais Aruba y di cual pais Aruba ta nombra un of mas miembro di directiva of organo di supervision of tin influencia di otro forma riba maneho (3) organisacion cu pa un periodo tras di otro di 3 aña ta ricbi un of mas subsidio cu hunto cada aña ta resulta den mas di 50% di e entrada di dicho organo den e aña specifico.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Follow NoticiaCla
