Venezuela ta mira reapertura di frontera cu islanan ABC na comienso di 2022

Venezuela ta mira reapertura di frontera cu islanan ABC na comienso di 2022

Posted on 10/7/2021 10:22 am AST | Updated on 10/7/2021 6:09 pm AST

PARAGUANA – Si ta pa Venezuela su gremio comercial, pa e prome trimester di 2022, e frontera entre e pais andino y islanan ABC lo mester ta habri atrobe. Asina e miembro di directiva di Camara di turismo di Paraguana, Richard Zambrano a bisa. Segun Zambrano, tin un gran influencia di e gremionan pa solicita e reapertura aki. “ Den e sentido ey, ta aspira cu pa e prome trimester di 2022 e situacion por regla atrobe”. Mes momento e ta bisa cu lamentablemente e ciere di frontera a nifica un caida di 40 pa 50% di pasashi pa e islanan aki. 

ARUBA SU POSICION

Aruba su posicion, segun fuentenan den gobierno a confia awe na e portal aki, ta cu e frontera cu Venezuela ta keda cera te December por lo menos. “Tin combersacionan entre Venezuela y e otro dos islanan, pero nos ainda no” e fuente a sigui bisa e portal aki awe mainta. Manera ta conoci, cada tres luna Aruba a bin ta prolonga e ciere di frontera cu tres luna mas desde 2020. 

 

 

  • Diputado di Bonaire ta reclama minister Hulandes pa declaracion haci

    Diputado di Bonaire ta reclama minister Hulandes pa declaracion haci

    KRALENDIJK – Politiconan Boneriano ta hopi rabia y indigna pa e sugerencia di minister Kasja Ollongren recientemente cu esnan den Caribe Hulandes (incluyendo Bonaire) mester baña menos y usa menos airco pa e isla por tin un futuro mas ‘duradero’. Un di e politiconan ta diputado Nina den Heyer.  "Mi a cuminsa cansa  cu 11 aña despues ainda ta keda hasi e mesun inschattingsfout nan ki" sra den Heyer a comenta na noticiacla.com. 

  • Conocido personalidad y periodista di Bonaire Aubrey Sealy a bay sosega

    Conocido personalidad y periodista di Bonaire Aubrey Sealy a bay sosega

    KRALENDIJK – Dialuna mainta a drenta e tristo noticia cu conocido periodista y personalidad Aubrey Sealy(79) a bay sosega. Ta conoci cu pa hopi tempo e tabata malo y ultimo tempo tambe hospitalisa. Noticiacla ta manda palabra di forza pa famia di e fayecido. Potret facebook. 

  • Ciruhano dr Luc Mercelina a lansa partido politico na St Maarten

    Ciruhano dr Luc Mercelina a lansa partido politico na St Maarten

    COLE BAY—E isla di St Maarten a conoce un partido politico nobo. Na Cole Bay, e medico ciruhano dr Luc Mercelina a lansa su propio partido politico Unified Resiliente St Maarten Movement (URSM), cu e meta pa trece varios cambio den gobierno. A toca e tema di pobresa na e isla unda cu 29% ta biba bou di e nivel di pobresa. Mitar di e isla no a caba scol secundario, y esey ta un resultado di desempleo riba e isla. Algun miembro di directiva, ta Josianne Artsen-Fleming, Veronica Jansen, Stuart Johnson y abogado Brenda Brooks. Durante e evento, tanto e presidente di partido Brenda Brooks como e lider Luc Mercelina a hiba palabra na esnan presente. Potretnan cortesia St Maarten New Online.  

  • Cantidad di contagio di Covid19 na Bonaire a subi drasticamente den un siman

    Cantidad di contagio di Covid19 na Bonaire a subi drasticamente den un siman

    KRALENDIJK – E cantidad di casonan di Covid19 na Bonaire a aumenta den un tempo record y a bira casi double. Dia 3 di October tabatin 142 caso positivo total mientras cu un siman prome esaki tabata 68. Cu esaki, Bonaire ta resalta compara cu e otro islanan cu ta conociendo caida den e cifranan.  E cantidad di contagio na Bonaire ta remarkable mirando cu e cantidad di caso di vacuna ta relativamente grandi. Casi 83% di e poblacion adulto ta vacuna cu por lo menos un dosis, mientras cu 73% ta completamente vacuna. Entre e hobenan entre 12 y 17 aña, casi 50% ta vacuna minimal un biaha. E brote a cuminsa ora cu scolnan a habri atrobe, y a plama pa famia di e alumnonan. No tin splicacion ainda pa e hecho cu e contagio a aumenta na Bonaire pero no jna e otro islanan, siendo cu e medidanan ta similar compara cu e otro islanan. Si e cantidad di hospitalisacion aumenta, lo mester tuma mas medida debi cu e posibilidad pa manda hende pa Corsou y Bonaire ta keda limita. Mirando e seriedad di e situacion, gobierno di Corsou a dicidi pa prolonga tur medida te por lo menos 1 di November. Potret cortesia Cruisebe.com

  • Na Bonaire a pasa 100 caso activo atrobe di Covid19

    Na Bonaire a pasa 100 caso activo atrobe di Covid19

    KRALENDIJK – Na Bonaire a pasa 100 caso activo atrobe di Covid19, cu ta un situacion preocupante. Tin dos dia atrobe cu casonan a surpasa 20 pa dia. Actualmente tin 105 caso active y awe a drenta 23 caso positivo, mientras cu un dia prome, esaki tabata 26. Mientrastanto, ta bisa cu di mayoria cu a test positivo, e fuente ta conoci y cu ta un brote specifico tin atrobe. Y tin 3 persona hospitalisa. 

  • Conocido periodista di Bonaire a perde bataya contra Covid19

    Conocido periodista di Bonaire a perde bataya contra Covid19

    KRALENDIJK – Awe mainta a drenta e tristo noticia cu colega den prensa na Bonaire Zamir Ayubi, a perde e bataya contra Covid19 y a bay sosega. E tabata algun siman den cuido intensivo, pero no a scapa. “E Covid a dale duru” su ruman grandi Aimed a bisa riba su pagina di Facebook. For di inicio di Noticiacla na 2014, Zamir (y su ruman) tabata colaborador fiel di  e portal, cu noticianan fresco semper di Bonaire. Entre e y su ruman Aimed, nan tabata informa nos riba sucesonan di Bonaire. Y visa versa ora cu tabatin noticianan grandi for di Aruba, Zamir tabata yama pa nos colabora cu ne. 

  • Powered by SETAR