- Candela na WEB tin suministro di coriente delicado!
- Partido MAS a entrega mocion di desconfiansa contra minster Glenbert Croes
- Na Corsou a sentencia homber Arubiano gara cu 1 kilo y mei di marihuana geplak na barica
- Mas di 2 mil habitante di Aruba, Corsou y St Maarten por vota den eleccion parlamentario Europeo
- Maduro: Venezuela ta sigui cu of sin licensia Mericano pa alivia sancion petrolero
Na Corsou, polisnan a usa placa confisca pa nan “Coffieclub”
WILLEMSTAD - E seis agente polisial, ku tabata drenta den kas di hende hasi komo sifuera ta inval nan ta tene, tabata bai ku sèn i droga ku nan haña. Den e kaso aki e droganan konfiská na vários okashon tabata mariwana. E loke a resaltá ta ku den un kas ku nan a drenta, e sèn konfiská tabata asina tiki ku nan no por a repartí esaki entre nan. Nan a disidí pa kumpra kos pa nan “coffieclub”.
E agentenan di fam Balyn, Janga, Rodriquez, Dorand, Overman i Tomsjansen ayera presentá den korte pa ladronisia/malversashon di plaka i droga konfiská, falsifikashon di prosèsverbal, uso di poder komo agente polisial. Nan a drenta den seis kas konfiská droga i plaka i no a entrega esaki.
Tur esaki a sosodé dia 17 i 18 sèptèmber 2020. E promé adrès ku nan a bai ta na Sto Domingoweg. Nan a bai na e kas i tira inval 12:30 di mardugá. Nan a bai ku droga i mariwana. Despues di a sali e kas ei, e akusadonan a bai repartí e sèn dilanti misa di Sta Maria. Kada un ta bisa di a haña un otro suma di plaka. Tambe ku ta 300 florin nan a konfiská na e kas i no 3000 florin manera e doño di kas ta bisa. Pero ora tende kiko kada un a haña, e sèn no ta yega e suma di 300 florin. Den e kaso aki Janga a bisa di a pone e sèn bek.
E di dos adrès tabata Seru Fortuna. Aki nan a haña mariwana i tambe un sparpòt. Rodriquez a habrié. Nan a kore bai lugá di parker di Kooyman na Jan Noorduynweg pa repartí e sèn. Komo ku tabata tiki sèn, úniko agente polisial femenina den e “ploeg”, Dorand a bisa ku e sèn lo bai pa nan “coffieclub”. Su siguiente dia el a kumpra kòfi, te, habon laba tayo etc pa nan usa. Dorand a bisa e kosnan a sali 86 florin. Na e kas aki, Overman a ranka e kámara bai kuné. El a tira e kámara despues afó, pasombra el a kere ku tabata su pertenensia.
Nan a bai Balataweg. E abitante a bisa ku el a tende un klap na porta i tende gritu di polis. Nan a bai ku 340 florin.
Na Daimarieweg e abitante tabata hungando playstation i a tende bochincha. E abitante mes a bisa e polisnan ku e tin kokaina i mariwana den su poder. Nan a bai ku sèn. Aki nan a drenta den tres kas riba e tereno. Na un dje otro kasnan nan a bai ku 200 florin ku tabata den maleta i 100 florin den lachi di kas. E abitante ta eksigí pa haña su sèn bek.
Na Montaña Rei nan drenta kas i bai ku tres saku di mariwana. Den kaya Stripan esaki a keda te na un intento. Nan a brua e kas, pero no a haña nada.
E agentenan Janga, Rodriquez i Balyn a konta tur kos ku nan a haña durante e invalnan, i nan tabata duna e lider dje tim ku ta Overman. Tin biaha nan no ta wak e sèn òf droga. NOTA: E texto ta scirbi na Papiamento fonetico di Corsou.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Cu un beca Tula, un studiante di Corsou por haci estudio di historia na Hulanda
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
Conferensia di trabou di SEA pa stimula exito den estudio di studiante Caribense
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
Juan Luis Guerra y 440, Maluma y Jennifer Hudson tambe ta den CNSJ e aña aki!
WILLEMSTAD – Juan Luis Guerra y 440, Maluma y Jennifer Hudson a keda añadi na e line up pa e proximo Curacao North Sea Jazz Festival na autustus proximo. Juan Luis Guerra ta presenta riba diabierna 30 di augustus y Maluma y Jennifer Hudson riba diasabra 31 di augustus. Fuera di e cantantenan grandi aki, tin Marc Anthony tambe y Eros Ramazoti cu ta presenta tambe durante e festival aki.
Na Aruba doño di cacho Khaleesi ta cana liber, y na Corsou a detene homber cu a tira cacho mata
WILLEMSTAD – Mientras cu na Aruba, ta wardando kico Ministerio Publico ta bay haci cu e doño cu a maltrata su cacho Khaleesi, te cu e la muri, na Corsou, polis a detene un homber cu a tira un cacho mata. Tabata diadomingo pasa den e bario di Kanga, cu e homber aki di 31 aña a menasa un otro homber cu arma y maltrat’e y tira su cacho mata. E la bira fugitivo, pero finalmente diahuebs mainta 7’or polis a pone man riba dje na Suffisantweg. Despues a tene un entrada hudicial na su cas na Kanga. E homber ta deteni, pendiente e resultado di e investigacion.
Na Corsou, Anuschka Cova ta CEO nobo di CHATA
WILLEMSTAD.- Curaçao Hospitality and Tourism Association (CHATA) ta kontentu di por anunsiá nombramentu di Anuschka Cova komo CEO nobo di CHATA. Sra. Cova, tin mas ku 26 aña di eksperensia den puestonan di liderazgo, un base sólido den sektor privá, kolaborashonnan publiko-privá i bon komprondementu di e sektor di turismo.
Follow NoticiaCla
