Tjon: Kier independisa scol di polis pa e.o. resolve scarsedad di polis

Tjon: Kier independisa scol di polis pa e.o. resolve scarsedad di polis

Posted on 10/6/2021 10:58 am AST | Updated on 10/6/2021 11:02 am AST

ORANJESTAD – Ta e intencion pa independisa skol di polis na Aruba. Asina minister nobo di husticia Rocco Tjon a bisa e siman aki den e programa popular Noticiacla LIVE na e periodista Tito Laclé. Segun sr Tjon, e hecho cu e no ta independisa, ta strobe su progreso, y cu esaki mester compronde, cu ta limita su capacidad incluyendo capacidad di polis cu por gradua y contribui cu proteccion di nos isla. 

PROBLEMAE problema cu tin aworaki ta cu e scol tin cu fungi segun reglanan stipula pa Gobierno, y esaki ta limita e posibilidadnan. Entre e problemanan, ta cu e skol awor ta mara na un cantidad specifico di ‘formatie plekken’, esta cu por tuma solamente un cantidad limita di personal, debi cu tin gastonan di personal cu mester limita. 

INDEPENDISA

Ora cu independisa e scol, tur e limitacionan aki ta keda elimina cu ta habri caminda pa mucho mas fondo bira disponible, y cu esaki, e cantidad di mas grandi di persona cu por sigui nan educacion pa bira polis. E mandatario a duna como ehempel, e Academia di polis na Hulanda cu ta independisa y cu ta funciona perfecto. E por percura te hasta pa produci mas personal di seguridad pa mas departamento, cu solamente polis. 

PLAN

A bisa cu tin un plan hinca den otro for di 2014 cu no a wordo ehecuta. Segun e mandatario, e intencion ta pa un grupo di trabou determina entre 3 pa 6 luna kico tin cu haci awor y con pa hacie di miho forma, pa presente despues na conseho di minister pa aki e decision final cay. Pues si tur cos cana manera mester ta, aki 6 luna mas tarda, mester tin mas claridad riba e intencion pa independisa scol di polis. 

  • Wardacosta lo controla botonan riba lama durante Semana

    Wardacosta lo controla botonan riba lama durante Semana

    ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso. 

  • Afpakteam a haci control na aeropuerto priva tambe

    Afpakteam a haci control na aeropuerto priva tambe

    ORANJESTAD - Siman pasa tabatin varios control na aeropuerto priva. E controlnan integral aki tabata den man di Afpakteam, Interpol y UMM (Unit Mensensmokkel en Mensenhandel) y a tuma lugar den cooperacion estrecho cu AAA (Aruba Airport Authority).

  • Warda Costa a intercepa boto cu 9 indocumentado Venezolano yegando Aruba

    Warda Costa a intercepa boto cu 9 indocumentado Venezolano yegando Aruba

    ORANJESTAD - Diabierna anochi, radarnan a detecta movecion di un boto sospechoso  den direccion di Aruba. A pidi e avion DASH di  Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo.  Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca. 

  • Polis a detene persona relaciona pa droga y confisca diferente droga

    Polis a detene persona relaciona pa droga y confisca diferente droga

    ORANJESTAD - Diasabra durante dia e team di Narcotica a hasi diferente entrada hudicial y tambe detencion. E team Narcotica ta trahando incansablemente pa combati e bendemento di droga diariamente. Ayera a detene e homber F.  di 32 aña na ex United Dinner pa bendemento di droga. A confisca diferente droga entrenan cocaina, cocaina base, marihuana y tambe a haya municion.  Tambe a haci entrada hudicial na Panamastraat. Eynan Team Narcotica a confisca cocaina y marihuana.  Durante e accion di Team Narcotica a forma parti, e team di Aresto , Flex Team y Unidad di K-9. NOTA: E potret ta di archivo di noticiacla.com y no ta necesariamente uno actual durante e caso relata cu e articulo en cuestion.

  • A detene homber cu a manda su cachonan riba varios polis, heridando algun

    A detene homber cu a manda su cachonan riba varios polis, heridando algun

    ORANJESTAD - Diabierna mainta pa 06:55 central di polis a manda patruya pa e conocido di nan faam L. na su cas situa na Brazil cu lo a pone objetonan riba caminda pa stroba e trafico. Ta asina cu na yegada di patruya ta papia cune e homber L. pero e no ta rasonay na dado momento polis a bay pa detene e homber. 

  • Interpol Aruba: Tin casonan recien di secuestro y extorcion di turistanan Arubiano bishitando Colombia

    Interpol Aruba: Tin casonan recien di secuestro y extorcion di turistanan Arubiano bishitando Colombia

    ORANJESTAD - Recientemente e Oficina Central Nacional di INTERPOL Aruba, a hay su mes  confronta cu casonan alarmante regardando residentenan di Aruba riba vacacion na Colombia. Ta trata di casonan serio di secuestro y extorcion den ciudadnan manera Medellín y Bogotá.

  • Powered by SETAR