Premio Nobel di Ciencia pa Mericano y Aleman constructor di molecule

Premio Nobel di Ciencia pa Mericano y Aleman constructor di molecule

Posted on 10/6/2021 9:27 am AST | Updated on 10/6/2021 9:28 am AST

STOCKHOLM – E premio Nobel pa Ciencia a bay pa e Aleman Benjamin List y e Mericano David MacMillan. Nan a desaroya un catalysator asimetrico organico, osea un manera inventivo pa construi molecule. 

  • Actor ta kibra silencio riba e tiro accidental cu a resulta mortal

    Actor ta kibra silencio riba e tiro accidental cu a resulta mortal

    NEW MEXICO – E actor Mericano Alec Baldwin a kibra su silencio diabierna, un dia despues cu accidentalmente e la tira un director di camarografo mata y herida un director di cine. “No tin palabra pa descrubi mi tristeza”, e actor a bisa riba su cuenta di twitter. “Un señora, un mama, y un colega stima di nos”. E ta referi na Haylyna Hutchins (42) cu a fayece a consecuencia di e incidente. Tabata riba e lugar di filmacion di e pelicula nobo Rust cu Baldwin a tira un arma cu mester tabata uno ‘falso’.  

  • Conocido actor Alec Baldwin a tira camarografo mata cu arma ‘falso’ di pelicula

    Conocido actor Alec Baldwin a tira camarografo mata cu arma ‘falso’ di pelicula

    SANTA FE – Conocido productor y actor di cine Mericano Alec Baldwin (63) a tira un camarografo mata y herida un productor di cine cu un arma ‘falso’ diahuebs. E arma ta esunan cu ta wordo usa den pelicula. Pero algo a bay robez y e arma a resulta mortal. Tur esaki a sosode na e sitio di produccion di un pelicula nobo ‘Rust’ na New Mexico. E camarografo tabata hefe di su departamento, Halyna Hutchins, 42 y e productor Joel Souza, 48. Oficialmente no a acusa Baldwin cu e caso aki ainda. E ta bou di investigacion. Baldwin a duna su declaracion si na polis, y tabata hopi conmovi pa loke a sosode. No ta prome biaha cu un arma ‘falso’ pa pelicula ta resulta un arma mortal. Den pasado dos actor a yega di fayece caba ora cu a usa un arma cu tabata ‘falso’, pero a resulta defecto. E armanan aki mester tira blanco, pero aparentemente tabatin municion real den esaki.  

  • Restonan humano confirma na Merca ta di hoben pareha di Gabby Petito

    Restonan humano confirma na Merca ta di hoben pareha di Gabby Petito

    CARLTON – Restonan parcial humano haya pa autoridadnan Mericano e siman aki, a keda confirma diahuebs pa e agencia federal policial (FBI) Mericano di ta di e hoben Brian Laundrie, pareha di Gabby Petito cu tabata perdi pa mas di un luna caba. E restonan a wordo haya den un area na Carlton Florida diaranson, banda di loke tabata mustra di ta artefactonan di Laundrie. Un luna prome ora cu a haya e curpa di Petito, Laundrie a bira ‘un persona di interes’ den e caso aki. Awor e mes ta morto. E caso a hala atencion nacional y internacional. E pareha tabata biaha rond di Merca, ora cu diripiente lo a surgi problema entre nan.  

  • Variante Delta-Plus ta 10% mas contagiabel cu esun original

    Variante Delta-Plus ta 10% mas contagiabel cu esun original

    AMSTERDAM – E chens ta grandi cu nos ta haya nos confronta cu un variante mas contagiable di Coronavirus. Asina specialistanan ta bisa na Inglatera y Hulanda. E ta un variante cu ta origina na Inglagera y ta 10% mas contagiabel cu esun di Delta. Esey por traduci den mas hospitalisacion na Hulanda. E version nobo a haya e nomber AY.4.2. y tabata motibo caba pa Hulanda cera frontera cu Maruecco.  

  • Corte Spaño a dicta atrobe cu mester extradita Hugo Carvajal pa Merca

    Corte Spaño a dicta atrobe cu mester extradita Hugo Carvajal pa Merca

    MADRID – Corte Spaño diaranson a dicta atrobe cu mester extradite e ex spion Venezolano Hugo Carvajal pa Merca. Asina e portal Britanico BBC ta raporta. Atrobe, pasobra den pasado caba a dicta (2019) pa e wordo extradita, pero despues a cambia di pensamento. E ta wordo busca na Merca pa cargo di traficacion di droga y colaboracion cu e grupo terorista Colombiano Farc. Segun e portal, por ta tambe cu Carvajal por tin informacion importante incriminatorio contra presidente Venezolano Nicolas Maduro. Na 2019 Carvajal a kibra relacion cu Maduro y a huy pa Spaña. E veredicto di awe ta sigui e decision di gobierno Spaño pa no otorga sr Carvajal asilo politico. 

  • Homber cu a tira 17 hende mata na un scol na Florida na 2018 a admiti culpabilidad

    Homber cu a tira 17 hende mata na un scol na Florida na 2018 a admiti culpabilidad

    PARKLAND  – E homber Nicolaz Cruz (21) awe mainta a admiti culpabilidad pa a tira 17 persona mata riba tereno di Marjory Stoneman Douglas High School na Parkland, Florida dia 14 di februari 2018. E ta algo inusual cu ta sosode, ora cu un persona admiti culpabildad na inicio di e caso. Esey ta pone e ora cu e caso no tin cu tuma lugar mas y ta djis pasa pa sentencia e persona. Huez Elizabeth Scherer repetidamente a puntra e homber y cada bez e tabata contesta cu e ta admiti. Su admission por resulta den castigo di prison di bida largo. Esaki ta considera e caso di tiroteo masivo mas serio na Merca, mas cu esun di Columbine High School unda cu 15 persona a resulta morto na 1999.  

  • Powered by SETAR