Curacao International Karting Club – CIKC

Posted on 10/5/2021 12:54 pm AST | Updated on 10/6/2021 10:25 am AST

(ADVERTORIAL)

WILLEMSTAD -E deporte di karting tabata masha popular den añanan ochenta i nobenta aki na Korsou. Despues a sigi un periodo largu di kual no tabatin masha aktividat debi ku e pista ku tabata ser utilisa na “Shut” no tabata apropia mas. Despues di hopi aña, espesialmente esnan ku tabata praktika e deporte den pasado a disidi pa reaktiva esaki. Konsekuentemente riba 1 di Juni 2021, Curacao International Karting Club a keda establese ofisialmente.

E meta prinsipal di e organisashon ta pa engrandese e deporte riba nos isla mediante kreashon di oportunidat pa espesialmente esnan mas hoben por partisipa i tambe konstrukshon di un pista nashonal. Korsou a demonstra ku nos tin talento riba tur tereno di deporte i nos ta konbensi ku karting no ta un eksepshon. Tur koredo di Formula Unu i otro deportenan di motor a kuminsa for di jong koriendo karting. Lewis Hamilton, e aktual kampeon mundial di F1 al igual ku Max Verstappen a kuminsa ku karting.

E aña aki tabatin diferente aktividat di karting i debi ku no tin un pista ainda, nos a husa parkeerplaats di Santa Barbara, E-zone na Hato, Waaigat i tambe parkeerplaats na rotonde di SDK. Apart di e karedanan lokal, tabatin delegashonan ku a kompeti na Colombia i tambe Panama. Riba 8 & 9 di Oktober tin un total di 20 karters ku lo bai partisipa den kompetenshanan na Aruba.

Den e korto tempu di nos eksistensha, nos a yega un total di 40 karts, reparti riba diferente kategoria kuminsando for di muchanan di 6 aña te ku adultonan di 60 aña. Demostrando ku ta algu pa tur edat.

Direktiva di CIKC ta trahando duru pa den e proksimo 12 lunanan di por konstrui nos propio pista pa asina por tene kompetenshanan internashonal i pone nos isla bek riba e mapa internashonal di karting.Un gradisimentu ta bai na Curinde, CTB, mando Polisial i tambe FDDK pa nan koperashon durante di e lunanan aki pa a fasilita nos e lokalidatnan pa nos por praktika nos deporte. Pa mas informashon por tuma kontakto ku nos via di [email protected] of via nos Facebook page: Curacao International Karting Club. NOTA: E texto ta scirbi den papiamento fonetico di Corsou. 

Direktiva CIKCKontakto: Michael Marugg (Presidente) Tel:+599-9-510-3655Juni Sluis (Sekretario) Tel: +599-9-514-6124 (Relashon Publiko) [email protected]

  • Sarah Quita ta sigui prepara pa su competencianan internacional

    Sarah Quita ta sigui prepara pa su competencianan internacional

    BRAZIL - Sarah Quita Offringa ta keda ocupa cu preparacion pa su continuo competencianan internacional. E siman aki el a comparti un video cu ta mustra con e ta anda cu e bida internacional di un surfer Arubiano, y ta mustra cu e ta completamente aclimatisa, unda cu e ta. 

  • Wanda Broeksema ta presidente nobo di Comite Olimpico Arubano

    Wanda Broeksema ta presidente nobo di Comite Olimpico Arubano

    ORANJESTAD - Ayeranochi Asamblea General di COA a eligi un directiva nobo pa e organisacion. COA lo tin pa prome biaha un hende muhe como Presidente, den persona di Wanda Broeksema, cu pa e ultimo cuater aña a fungi como Vicepresidente. E directiva awor ta consisti di shete persona (tabata te cu awor nuebe), di cua cuater ta hende muhe.

  • Despues di Bogaerts, Albies (Atlanta) tambe ta sigui den playoffs di Basebal Grandes Ligas

    Despues di Bogaerts, Albies (Atlanta) tambe ta sigui den playoffs di Basebal Grandes Ligas

    ATLANTA – Despues di Xander Bogaerts, pelotero professional di Corsou Ozzie Albies tambe a yega e final (pero pa Liga Nacional) cu su club Atlanta Braves. Nan a gana 5-4 di Milwaukee Brewever. Awor nan tin cu warda e ganador di e serie di Los Angeles Dodgers y San Francisco Giants. Tin chens cu varios hungador di Aruba y Corsou por topa otro den e serie mundial cu ta cuminsa ultimo siman di October.  

  • Xander Bogaerts tabata instrumental pa e victoria di Red Sox contra New York Yankees

    Xander Bogaerts tabata instrumental pa e victoria di Red Sox contra New York Yankees

    BOSTON — E pelotero professional di Aruba Xander Bogaerts tabata instrumental diamars anochi na Boston pa su ekipo Red Sox gana e wega importante y decisivo contra e rival di tur tempo New York Yankees. Tanto den defensa como ofensa, e Arubiano a haci un tremendo papel. Prome cu un homerun den su prome salida, percurando pa e prome 2 caredanan pa Boston cu a ‘set the pace’ pa resto di e wega. Y tambe e hugada tremendo ora cu den un tiro perfecto di bala pa home, a logra yuda saca e hungador Aaron Judge out, scapando un careda crucial di e opositor pa drenta. E dos momentonan aki tabata instrumental pa finalmente e ekipo vence cu score convincente di 6-2 na final. Tambe hungadornan manera Kyle Schwaber cu tambe a dal un homerun y e pitcher Nathan Eovaldi a percura pa un tremendo picheo te di 6 inning pa mantene e score abou pa e contrincante. Cu e victoria aki, Boston ta sigui na bida y ta topa nan proximo contrincante Tamba Bay Rays na St Petersburg, Florida diahuebs pa un serie di tres wega. E ganador di esaki ta bira e representante di liga americano pa Serie Mundial. New York Yankees, cu ta disfruta di un fanaticada grandi na Aruba, su temporada a yega asina na final pa 2022. 

  • Xander Bogaerts ta representa Aruba awe den e ‘Clasico’ contra New York Yankees awe nochi!

    Xander Bogaerts ta representa Aruba awe den e ‘Clasico’ contra New York Yankees awe nochi!

    BOSTON – Awe nochi pa 8’or e pelotero professional di Aruba Xander Bogaerts ta forma parti di un wega hopi importante pa continuacion di e temporada aki. Boston ta enfrenta su rival di tur tempo New York Yankees y e ganador ta sigui den e contienda di Wild Card pa sigura su posicion pa Serie Mundial. Si esaki sosode, lo no ta e prome serie mundial cu Xander ta participa aden. E wega ta uno cu tin hopi interes na Aruba mirando e fanaticada grandi cu tin di tanto Yankees como Red Sox na Aruba. ESPN ta un di e canalnan riba cual por wak e wega. 

  • Tres pelotero di Aruba y Corsou ta sigui ‘na bida’ den baseball Grandes Ligas di Merca

    Tres pelotero di Aruba y Corsou ta sigui ‘na bida’ den baseball Grandes Ligas di Merca

    ATLANTA – Di e total di 7 pelotero professional di Aruba y Corsou cu ta den grandes ligas na Merca, 3 a keda ‘na bida’ ainda pa loke ta e temporada final. Pa 4 hungador, e temporada a caba ayera, ya cu nan ekipo no a logra victoria suficiente pa ‘keda na bida’. Esnan cu a keda ‘na bida’ ta di Aruba Xander Bogaerts, di Corsou Ozzie Albies, y Kenny Jansen. Tur otro, cu ta Didi Gregorius, Jurickson Profar, Jonathan Schoop y Andrelton Simmons por cuminsa nan vacacion numa.

  • Powered by SETAR