Debi na fayo riba Facebook, su doño a perde biyones den algun ora

CALIFORNIA – Den apenas algun ora, e hefe grandi di Facebook, Mark Zuckerberg a perde biyones riba bolsa di balor di New York. Ta papia di entre 6 pa 7 biyon di dollar. Un fayo tecnico mundial manera esun di dialuna pa Facebook, ta percura pa accionan di e compania ta cay por lo menos 5% den balor. Cu e caida aki, e balor financiero di Zuckerberg a bay te 121 biyon dollar cu ta pone cu e ta bin cay atrobe bou di e fundador di Microsoft Bill Gates, na di 5 lugar di esnan mas rico di mundo.