Tres pelotero di Aruba y Corsou ta sigui ‘na bida’ den baseball Grandes Ligas di Merca

ATLANTA – Di e total di 7 pelotero professional di Aruba y Corsou cu ta den grandes ligas na Merca, 3 a keda ‘na bida’ ainda pa loke ta e temporada final. Pa 4 hungador, e temporada a caba ayera, ya cu nan ekipo no a logra victoria suficiente pa ‘keda na bida’. Esnan cu a keda ‘na bida’ ta di Aruba Xander Bogaerts, di Corsou Ozzie Albies, y Kenny Jansen. Tur otro, cu ta Didi Gregorius, Jurickson Profar, Jonathan Schoop y Andrelton Simmons por cuminsa nan vacacion numa.

Xander Bogaerts (Boston Red Sox) a bai di 5-1 ayera cu un careda anota. Bogaerts y Red Sox lo topa New York Yankees den wega di Wild Card diamars den un wega desisivo ken ta keda na bida den post temporada.

Ozhaino Albies (Atlanta Braves) a bai di 4-1 cu un careda empuha i otro anota. E la conecta su di 40 doblete di temporada. Prome wega di post-season lo ta diabiernaawor contra di Milwaukee Brewers

Kenley Jansen (Los Angeles Dodgers) no a mira accion ayera. Awor ta topa St. Louis Cardinals diarason den wega desisivo di wild card.