Raymond Knops dispuesto pa sigui den su funcion den un gabinete nobo Hulandes

DEN HAAG – Mientras cu mayoria di e mandatarionan Hulandes den e actual gabinete demisionario Rutte III ta bisa cu no ta intencion pa nan bin bek den e posicionan cu nan tin awor of otro funcion, e unico cu a bisa cu e ta cla pa keda, ta actual secretario di estado Hulandes Raymond Knops. “Mi ta pasando hopi bon, y ainda tin hopi cos pa haci. Ainda mi ta yen di energia” e la declara na prensa Hulandes diabierna. Si esaki kier men cu e ta bin bek den e siguiente gabinete den e funcion actual, no por a wordo confirma. “Mi no ta bay trata esey awor. E mandatario ta keda loke e la declara solamente” e vocero di e ministerio a bisa e portal aki awe mainta. Sr Knops tabata riba lista di partido CDA como # 5. No ta descarta cu e por bin bek riba e funcion aki, y si esey ta e caso, lo ta un cara conoci, no solamente cu e islanan aki sino cu e situacion actual tambe.